Select Your Language

Notifications

webdunia
webdunia
webdunia
webdunia
Advertiesment

ధనుర్మాసంలో వివాహాలు ఎందుకు చేయరు...?

ధనురాశిలో నుండి మకరంలోకి రవి ప్రవేశించే సమయమే ధనుర్మాసం. అయితే ఈ మాసంలో పెళ్లిళ్లు చేయకపోవడానికి శాస్త్రపరమైన, భౌతికపరమైన కారణాలు ఉన్నాయి. ధనుర్మాసంలో ప్రజలందరూ తిరుప్పావై వ్రతాన్ని నిష్టగా పాటిస్తుంటారు. ఈ వ్రతం పాటించడానికి కొన్ని నియమాలు సాక్షాత్త

ధనుర్మాసంలో వివాహాలు ఎందుకు చేయరు...?
, శుక్రవారం, 5 జనవరి 2018 (16:29 IST)
ధనురాశిలో నుండి మకరంలోకి రవి ప్రవేశించే సమయమే ధనుర్మాసం. అయితే ఈ మాసంలో పెళ్లిళ్లు చేయకపోవడానికి శాస్త్రపరమైన, భౌతికపరమైన కారణాలు ఉన్నాయి. ధనుర్మాసంలో ప్రజలందరూ తిరుప్పావై వ్రతాన్ని నిష్టగా పాటిస్తుంటారు. ఈ వ్రతం పాటించడానికి కొన్ని నియమాలు సాక్షాత్తూ ఆండాళ్ అమ్మవారే చెప్పారు. పాలు, నెయ్యి వంటి భోగ పదార్థాలను తినరు. పూలు అలంకరించుకోరు. కంటికి కాటుక పెట్టుకోరు. 
 
ఈ మాసంలో భోగభాగ్యాలకు దూరంగా ఉంటూ దానధర్మాలు చేస్తూ మోక్షమార్గంలో పయనిస్తూ ఉంటారు. అంతేకాకుండా ఈ మాసంలో వచ్చే వాతావరణ మార్పులు శరీరం మరియు ఆరోగ్యంపై ఎక్కువగా ప్రభావం చూపుతాయి. అందుకే ఆరోగ్యం కాపాడుకునేందుకు తినే ఆహారంపై కొన్ని నియమాలు పెట్టారు. ఈ తరుణంలో శుభకార్యాలకు మానసికంగా గానీ, శారీరకంగా గానీ సంసిద్ధత ఉండదు. 
 
భోగినాడు గోదా, శ్రీ రంగనాథుల కళ్యాణంతో ఈ వ్రతం ముగుస్తుంది. అందుకే ఈ మాసంలో కళ్యాణం గానీ, శుభకార్యాలు గానీ చేయనందున దీనిని శూన్యమాసం అంటారు. ధనుర్మాసంలో ఉభయ సంధ్యలో ఇంటిని శుభ్రం చేసి ప్రతిరోజూ దీపారాధన చేస్తే లక్ష్మీకటాక్షం ప్రాప్తిస్తుంది. తిరుమలలో ఈ నెలరోజుల పాటు సుప్రభాతానికి బదులుగా తిరుప్పావై గానం ఆలపిస్తారు. తిరుప్పావై పారాయణం చేస్తే పెళ్లి కాని అమ్మాయిలకు మంచి భర్త దొరికి మనస్సులోని కోరికలన్నీ నెరవేరుతాయని ప్రతీతి.

Share this Story:

Follow Webdunia telugu

తర్వాతి కథనం

శ్రీవారి అర్జిత సేవా టిక్కెట్లు ... ఏప్రిల్ కోటా రిలీజ్