కేరళ ఆస్పత్రికి వచ్చాడు. అయితే లిఫ్టులో ఇరుక్కుపోయాడు. రెండు రోజుల పాటు అలానే వుండిపోయాడు. చివరికి గత రెండు రోజులుగా ఆసుపత్రి లిఫ్ట్‌లో చిక్కుకున్న 59 ఏళ్ల వ్యక్తిని సోమవారం ఉదయం సాధారణ పని కోసం లిఫ్ట్ ఆపరేట్ చేసిన తర్వాత రక్షించినట్లు పోలీసులు తెలిపారు.
వివరాల్లోకి వెళితే.. ఉల్లూరుకు చెందిన రవీంద్రన్ నాయర్ (59) శనివారం నుంచి ఇక్కడి ప్రభుత్వ వైద్య కళాశాలలోని ఓపీ బ్లాక్‌లోని లిఫ్ట్‌లో ఇరుక్కుపోయాడని వారు తెలిపారు.
"ఫస్ట్ ఫ్లోర్‌కి వెళ్లేందుకు అతను లిఫ్ట్‌లోకి దిగాడని, అయితే లిఫ్ట్ కిందకు వచ్చి తెరుచుకోలేదని, సహాయం కోసం కేకలు వేసినా ఎవరూ రాలేదని, అతని ఫోన్ కూడా స్విచ్ ఆఫ్‌లో ఉందని" పోలీసులు తెలిపారు. సోమవారం ఉదయం సాధారణ పనుల నిమిత్తం లిఫ్ట్ ఆపరేటర్‌ ప్రారంభించడంతో ఈ ఘటన వెలుగులోకి వచ్చిందని అధికారులు తెలిపారు.
ఆ వ్యక్తి కుటుంబీకులు ఆదివారం రాత్రి మెడికల్ కాలేజీ పోలీసులకు మిస్సింగ్ కేసు పెట్టారు. వైద్య పరీక్షల నిమిత్తం ఆ వ్యక్తి ఆసుపత్రికి వచ్చినట్లు పోలీసులు తెలిపారు.
