దేశంలోని ఉత్తమ విద్యా సంస్థల జాబితాలో ఐఐటీ మద్రాస్ మరోమారు ది బెస్ట్ విద్యా సంస్థగా నిలిచింది. ఈ మేరకు కేంద్ర విద్యాశాఖ సోమవారం ఉత్తమ విద్యా సంస్థల జాబితాను విడుదల చేయగా, ఇందులో ఐఐటీ ఎం మొదటి స్థానాన్ని దక్కించుకుంది. ఈ విద్యాసంస్థ అత్యుత్తమ విద్యా సంస్థగా ఓవరాల్‌గా ఆరో యేడాది అగ్రస్థానంలో నిలిచింది. ఇకపోతే, ఉత్తమ విశ్వవిద్యాలయాల విభాగంలో ఐఐఎస్సీ బెంగుళూరు మొదటి స్థానంలో నిలించింది.
నేషనల్ ఇనిస్టిట్యూట్ ర్యాంకింగ్స్ ఫ్రేమ్ వర్క్ కింద రూపొందించిన ఈ జాబితాను కేంద్ర విద్యాశాఖ మంత్రి ధర్మేంద్ర ప్రధాని సోమవారం విడుదల చేశారు. యూనవర్శిటీలు, కాలేజీలు, రీసెర్స్ ఇనిస్టిట్యూట్‌లు, ఇంజనీరింగ్, మేనేజ్‌మెంట్, ఫార్మసీ, మెడికల్ ఇలా మొత్తం 13 విభాగాల్లో ర్యాంకులు ప్రకటించారు. విద్యా సంస్థల్లో అందిస్తున్న విద్యాబోధన, కల్పిస్తున్న సౌకర్యాల ఆధారంగా 2016 నుంచి ఈ ర్యాంకులను ప్రకటిస్తున్నారు.
