Select Your Language

Notifications

webdunia
webdunia
webdunia
Tuesday, 11 March 2025
webdunia

రహదారే రన్‌వేగా... ఆగ్రా ఎక్స్‌ప్రెస్ హైవేపై యుద్ధ విమానాల చక్కర్లు

అత్యవసర పరిస్థితుల్లో సేవలు అందించేందుకుగాను ఉన్నత నాణ్యతా ప్రమాణాలతో రహదారులను పలు దేశాలు నిర్మిస్తుంటాయి. ఈ తరహా రహదారులు అధికంగా న్యూజిలాండ్‌లో ఉన్నాయి.

Advertiesment
రహదారే రన్‌వేగా... ఆగ్రా ఎక్స్‌ప్రెస్ హైవేపై యుద్ధ విమానాల చక్కర్లు
, మంగళవారం, 24 అక్టోబరు 2017 (14:46 IST)
అత్యవసర పరిస్థితుల్లో సేవలు అందించేందుకుగాను ఉన్నత నాణ్యతా ప్రమాణాలతో రహదారులను పలు దేశాలు నిర్మిస్తుంటాయి. ఈ తరహా రహదారులు అధికంగా న్యూజిలాండ్‌లో ఉన్నాయి. అలాంటి రహదారి మన దేశంలోనూ ఉంది. ఉత్తరప్రదేశ్ రాష్ట్ర రాజధాని లక్నో నుంచి ఆగ్రా వరకు నిర్మించిన ఎక్స్‌ప్రెస్ హైవే ఇది. ఈ రహదారిపై భారత వాయుసేనకు చెందిన యుద్ధ విమానాలు మంగళవారం చక్కర్లు కొట్టాయి. 
 
లక్నోకు 65 కిలోమీటర్ల దూరంలోని ఉన్నాం జిల్లా బంగార్‌మౌ వద్ద అద్భుత విన్యాసాలను చేపట్టింది. ఐఏఎఫ్ డ్రిల్స్‌లో భాగంగా ఈ విన్యాసాలను నిర్వహించారు. దేశంలోనే అత్యంత పొడవైన రహదారిగా గుర్తింపు పొందిన ఈ హైవేపై ఏకంగా 16 యుద్ధ విమానాలు ల్యాండ్ అయ్యాయి. ఈ విన్యాసాల్లో భాగంగా 35 టన్నుల సి-130 సూపర్‌ హెర్క్యులెస్‌ విమానం కూడా ఉంది. గరుడ్‌ కమాండోలను సంక్షోభ ప్రాంతాలకు తరలించే విన్యాసాల్లో భాగంగా ఈ భారీ విమానం ల్యాండ్‌ అయ్యింది. 
 
మరో 15 ఫైటర్‌ జెట్‌లు ఇక్కడ ల్యాండ్‌ అయ్యాయి. సుమారుగా 3 గంటల పాటు ఈ విన్యాసాలను నిర్వహించారు. నిమిషాల వ్యవధిలోనే యుద్ధ విమానాలు ల్యాండ్‌ అయిన తర్వాత మళ్లీ గాల్లోకి ఎగిరాయి. అత్యవసర సమయాల్లో విమానాశ్రయాలపై ఆధారపడకుండా ఉండేందుకు ఈ విన్యాసాలు నిర్వహించారు. 

Share this Story:

Follow Webdunia telugu

తర్వాతి కథనం

'మెర్సల్' స్ఫూర్తితో పవన్ కళ్యాణ్... 'ప్రత్యేక హోదా'పై చిత్రం అదిరిపోతుందా?