మలయాళ నటి నవ్యనాయర్ తాజాగా వార్తల్లో నిలిచింది. మలయాళంలో ఇష్టం, నందనం వంటి పలు సినిమాలతో పాటు.. తమిళంలోనూ పదికి మించిన సినిమాల్లో నటించిన నవ్యా నాయర్.. 2010లో సంతోష్ మీనన్‌ను వివాహం చేసుకుంది. ఈ దంపతులకు సాయికృష్ణ అనే కుమారుడు వున్నాడు. వివాహానికి తర్వాత సినిమాలకు దూరమైన నవ్య నాయర్.. తిరిగి సినిమాల్లో రీ ఎంట్రీ ఇచ్చింది.
తాజా ఇంటర్వ్యూలో తన సినిమా అనుభవాలను గురించి తెలిపింది. తన తొలి మలయాళ సినిమా ''ఇష్టం'' అని.. ఈ సినిమా 2001లో విడుదలైంది. ఈ సినిమా దర్శకుడు శిబి తన ఫోటోను చూసి.. హోటల్‌కు రమ్మన్నారు. అక్కడ తన నటనను పరిశోధించి.. వీడియో తీశాడు. ఆ వీడియోను చూసిన మలయాళ నటుడు దిలీప్.. తన యాక్టింగ్‌ బాగుందని చెప్పడంతో ఇష్టం సినిమాలో నటించే అవకాశం వచ్చింది. మంజువారియర్ కూడా తనను ఎంపిక చేశారు. అప్పట్లో మంజువారియర్ వద్దని తనను పక్కనబెట్టి వుంటే సినిమాల్లోకి వచ్చి వుండేదాన్ని కాదు.
ఇష్టం సినిమా కోసం ఫోటో షూట్ జరుగుతుండగా, అప్పుడు తన భుజంపై చెయ్యేసి దిలీప్ ఓ ఫోటో ఫోజిచ్చాడు. ఆ సమయంలో తడబడ్డానని, వణుకు పుట్టిందని.. గ్రామంలో పుట్టిన తాను నగరానికి రావడం.. సినిమాల్లో నటించేందుకు సిద్ధపడటం.. అక్కడ తెలియని వ్యక్తి భుజంపై చెయ్యేసి నిలబడటం చూసి గుండె వేగంగా కొట్టుకుందని నవ్యా నాయర్ తెలిపింది. అయితే ఆ సినిమా యూనిట్‌తో దిలీప్ కూడా భయపడాల్సిన అవసరం లేదని.. ధైర్యంగా వుండాలని చెప్పారని వెల్లడించింది. తాను సినీ ఇండస్ట్రీలోకి దిలీపే ముఖ్య కారణమని.. ఆయన సహకారం ఎప్పటికీ మరిచిపోలేనని తెలిపింది.
