డీ-గ్యాంగ్ చేతిలో హతం కానున్న హైదరాబాద్ సెలెబ్రిటీ ఎవరు?
మాఫియా డాన్, మోస్ట్ వాంటెడ్ అండర్ వరల్డ్ డాన్ దావూద్ ఇబ్రహీంకు చెందిన డీ-గ్యాంగ్ గురించి ఓ వార్త ఇపుడు హాట్‌ టాపిక్‌గా మారింది. ఓ మోస్ట్ సెలెబ్రిటీని హత్య చేసేందుకు హైదరాబాద్‌లో సంచరిస్తుందట.
మాఫియా డాన్, మోస్ట్ వాంటెడ్ అండర్ వరల్డ్ డాన్ దావూద్ ఇబ్రహీంకు చెందిన డీ-గ్యాంగ్ గురించి ఓ వార్త ఇపుడు హాట్‌ టాపిక్‌గా మారింది. ఓ మోస్ట్ సెలెబ్రిటీని హత్య చేసేందుకు హైదరాబాద్‌లో సంచరిస్తుందట. ఈ విషయం ఢిల్లీ పోలీసులకు తెలియడంతో వారు హైదరాబాద్ పోలీసులకు ఉప్పందించారట. ఈ వార్త హైదరాబాద్ నగరంలో కలకలం రేపుతోంది.
ఇటీవల ఢిల్లీలో షార్ప్ షూటర్ నసీంను పోలీసులు అరెస్టు చేశారు. ఆయన వద్ద జరిపిన విచారణలో అనేక ఆసక్తికర విషయాలు వెలుగు చూశాయి. దేశంలో కొంతమంది సెలబ్రిటీలను చంపడానికి జరిగిన కుట్ర వెనుక దావూద్ హస్తమున్నట్లు సమాచారం.
ముఖ్యంగా, హైదరాబాద్‌లోని ఓ సెలబ్రిటీతోపాటు మరికొంతమంది సెలబ్రిటీలను చంపడానికి దావూద్, షకీల్ ఆదేశాలతో రంగంలోకి దిగానని విచారణలో నసీం పోలీసులకు చెప్పాడు. దీంతో హైదరాబాద్ నగర పోలీసులను అప్రమత్తం చేసి సెలెబ్రిటీల భద్రతపై ఓ కన్నేసివుంచాలని హెచ్చరించారట.
కాగా, ఢిల్లీలో జరిగిన అనేక దోపిడీ, దొంగతనం, హత్యలు, హత్యాయత్నం నేరాల్లో నిందితుడిగా మరికొన్ని కేసుల్లో వాంటెడ్‌గా ఉన్న నసీం కోసం ఢిల్లీ పోలీసులు కొన్నాళ్లుగా గాలిస్తుండగా, ఇటీవల అరెస్టు చేశారు.
