ఢిల్లీ జంతు ప్రదర్శనశాలలో ఓ సంఘటన కలకలం సృష్టించింది. ఓ కుర్రోడు ఎన్‌క్లోజర్‌లోకి దూకి సింహానికి అతి సమీపంలో నిలబడ్డాడు. ఆ తర్వాత సింహానికి అతి సమీపానికి వెళ్లి దాని ముఖంలో ముఖం పెట్టాడు. పైగా, నువ్వు నన్ను ఏం చేయలేవన్న ఫోజులు కూడా ఇచ్చాడు.
తాజాగా వెలుగులోకి వచ్చిన ఈ వివరాలను పరిశీలిస్తే ఢిల్లీలోని జంతు ప్రదర్శనశాలకు ఓ కుర్రోడు వెళ్లాడు. అ తర్వాత మెటల్‌ గ్రిల్స్‌ దాటి ఆ వ్యక్తి సింహం ఎన్‌క్లోజర్‌లోకి ప్రవేశించాడు. అందులోనే తన ఇష్టం వచ్చినట్టు తిరగడమేకాకుండా, సింహానికి దగ్గరగా వెళ్లి దాని ముఖంలో ముఖం పెట్టి చూశాడు.
నువ్వు నన్ను ఏం చేయలేవంటూ సింహానికే సవాల్ విసిరాడు. దీంతో అప్రమత్తమైన జూ సిబ్బంది అతన్ని బయటకు తీసుకువచ్చి పోలీసులకు అప్పగించారు. ఈ ఘటన జరిగినప్పుడు జూ లో ఉన్న సందర్శకులంతా పెద్దగా కేకలు వేస్తూ షాక్‌కు గురయ్యారు.
ఈ ఘటనపై పోలీసు ఉన్నతాధికారి ఒకరు మాట్లాడుతూ, ఎన్‌క్లోజర్‌లోకి దూకిన కుర్రోడిని బీహార్‌కు చెందిన రెహన్ ఖాన్‌గా గుర్తించామన్నారు. అతని మానసిక పరిస్థితి బాగోలేకపోవడం వల్లనే ఇలా చేశాడని తెలిపారు.
