విద్యాబుద్ధులు చెప్పి తన వద్ద చదువుకునే బాలబాలికలను తన కన్నబిడ్డల్లా చూసుకోవాల్సిన గురువు కామంతో కొట్టుమిట్టాడాడు. ఫలితంగా ఆ బాలిక బంధువులతో చావుదెబ్బలు తిన్నాడు.
వివరాలను చూస్తే... తమిళనాడులోని తిరువన్నామలైలో తన వద్ద చదువుకుంటున్న పదో తరగతి విద్యార్థునుల్లో ఓ బాలికపై కన్నేశాడు కన్నన్ అనే ఉపాధ్యాయుడు. అంతే... ఆమెను స్పెషల్ క్లాస్ పేరిట పాఠశాలలో వుంచి ఆమెపై లైంగిక వేధింపులకు పాల్పడ్డాడు. దీనితో సదరు బాలిక స్కూలు మానేసి ఇంట్లోనే వుండిపోయింది. ఆమె పాఠశాలకు ఎందుకు వెళ్లడంలేదని నిలదీస్తే అసలు విషయం బయటపడింది.
ఆగ్రహంతో రగిలిపోయిన బాలిక తల్లిదండ్రులు మరో 20 మందితో కలిసి వెళ్లి పాఠశాలలో చదువు చెపుతున్న సమయంలోనే కన్నన్ అనే ఉపాధ్యాయుడిని అంతా చూస్తుండగానే చితక్కొట్టడం మొదలుపెట్టారు. ఎంతమంది అడ్డు వచ్చినా ఆగలేదు. చివరికి స్కూలు యాజమాన్యం ప్రాధేయపడటంతో అతడిని వదిలిపెట్టారు. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
