తూర్పు ఢిల్లీలోని అక్షరధామ్ టెంపుల్ సమీపంలో ఘజియాబాద్‌కు చెందిన చార్టర్డ్ అకౌంటెంట్ ఇద్దరు ఉద్యోగులు తుపాకీతో రూ. 50 లక్షలు దోచుకున్నారని పోలీసులు బుధవారం తెలిపారు. ఆలయానికి కొన్ని మీటర్ల దూరంలోని పాండవ్ నగర్‌లో మధ్యాహ్నం ఈ ఘటన జరిగినట్లు పోలీసు అధికారి తెలిపారు.
బాధితులైన మోహిత్ శర్మ , అరుణ్ త్యాగి పశ్చిమ ఢిల్లీలో ఒకరి వద్ద డబ్బు వసూలు చేసి మోటార్ సైకిల్‌పై ఘజియాబాద్ వైపు వెళ్తున్నారు. వారు ఆలయానికి సమీపంలో ఉన్న జాతీయ రహదారి-9పైకి వెళ్లబోతున్నప్పుడు ఇద్దరు మోటార్‌సైకిళ్లపై నలుగురు వ్యక్తులు తుపాకీలతో బెదిరించి.. డబ్బులు దోచుకున్నారు.
శర్మ, త్యాగి తప్పించుకోవడానికి ప్రయత్నించగా, దొంగలు వారి బైక్‌లతో వారిని ఢీకొట్టారు. ఫలితంగా వారు రోడ్డుపై పడిపోయారు. ఈ గొడవలో ఓ నిందితుడు కూడా బ్యాలెన్స్ తప్పి కిందపడిపోయాడు.
మిగిలిన ముగ్గురు నగదు ఉన్న బ్యాగ్‌ని లాక్కొని అక్కడి నుంచి పారిపోయారు. నాల్గవ దొంగ అక్కడి నుంచి పారిపోయాడు. అయితే అతడిని కొందరు బాటసారులు, ప్రయాణికులు పట్టుకుని పోలీసులకు అప్పగించారు.
