Select Your Language

Notifications

webdunia
webdunia
webdunia
webdunia
Advertiesment

డేటింగ్ సమయంలో అమ్మాయిలు తీసుకోవలసిన జాగ్రత్తలు

webdunia
శుక్రవారం, 27 సెప్టెంబరు 2019 (12:10 IST)
స్నేహం, ప్రేమ ఇలా ఏ బంధమైనా ఎక్కువగా ప్రభావితమయ్యేది అమ్మాయిలే. ఒకవేళ ఆ బంధం బలపడితే సరికానీ.. తెగిపోతే మాత్రం అమ్మాయిలే నష్టపోతారన్నది సత్యం. ఏ విషయంలోనైనా మగవాళ్ళు నష్టపోవడం చాలా తక్కువ. 
 
ఎవరో సున్నితమనస్కులైతే తప్ప ఇలాంటి బ్రేకప్స్‌ను అబ్బాయిలు ఈజీగానే తీసుకుంటున్నారు. అసలీ బ్రేకప్స్ రావాల్సిన పనేముంది? డేటింగ్‌కు ముందే జాగ్రత్తలు తీసుకుంటే సరిపోతుందని సైకాలజిస్టులు సూచిస్తున్నారు. డేటింగ్‌కు ముందు అమ్మాయిలు ఎలా జాగ్రత్తపడాలంటే.. 
 
* మీరు డేటింగ్‌కు ఎంచుకోవాలనుకునే అబ్బాయి.. కొత్త ప్రయత్నాలు చేయకుండా... అన్నీ ఏకపక్షంగా చర్యలకే ప్రాధాన్యమిస్తుంటే అలాంటి వ్యక్తిని దూరంగా పెట్టండి. లేదంటే ప్రమాదమే.
 
* మీరు వారి బానిసలుగా తలచుకుంటే అంటే అమ్మాయిలు వంటింటికే పరిమితం అనే చందంగా మాట్లాడే అస్సలు వారి జోలికే పోకూడదు.  
 
* ఎప్పుడూ తాము కొన్న వస్తువుల ధరలు, హోటల్ తిండి ఖర్చులు గురించి పదేపదే ప్రస్తావించేవారితో చాలా కష్టం. డేటింగ్ చేసినన్నాళ్ళూ వీరు మరింత పిసినారితనంతో ప్రవర్తిస్తారన్నదానికి అవి సంకేతాలు. 
 
* స్పోర్ట్స్ చూసేందుకు అత్యధిక ప్రాధాన్యమిచ్చే అబ్బాయిలు... ఓ అనుబంధం పట్ల, కుటుంబం పట్ల నిర్వర్తించాల్సిన బాధ్యతలను ఎన్నడూ పట్టించుకోరు. ఇవన్నీ, వారు బాల్య పోకడల నుంచి బయటపడలేదన్న విషయాన్ని సూచిస్తాయి.
 
* అన్నిటికంటే ముఖ్యంగా, ప్రతి క్షణం నిఘా వేసే వ్యక్తికి దూరంగా ఉండాలి. బయటికెళితే ఎవరితో తిరుగుతోంది? ఏంచేస్తోంది? వంటి అనుమానాలతో వేగిపోయే మగవాణ్ణి ఎంతదూరం పెడితే అంతమంచిది. 
 
* బంధం పట్ల అవగాహన లేకుండా, చపలచిత్తం ప్రదర్శిస్తుంటారు కొందరు. ఓసారి అనుబంధం కొనసాగించాలని, మరోసారి పిల్లలు కావాలని అంటుంటారు... రెణ్నెల్ల తర్వాత, అసలేదీ తేల్చుకోలేకపోతారు. వీరితోనూ జాగ్రత్తగా ఉండాలని మానసిక నిపుణులు అంటున్నారు. 

Share this Story:

Follow Webdunia Hindi

తర్వాతి కథనం

మిరపకాయలు తింటే ఆయుష్షు పెరుగుతుందట..