భారత మార్కెట్‌తో పాటు గ్లోబల్ మార్కెట్‌లో 5జీ స్మార్ట్‌ఫోన్లు వరుసగా రిలీజ్ అవుతున్నాయి. అయితే ఇండియాలో ఇంకా 5జీ నెట్వర్క్ లేదు. త్వరలోనే 5జీ నెట్వర్క్ అందుబాటులోకి వచ్చే అవకాశం ఉంది. అందుకే యూజర్లు కూడా 5జీ స్మార్ట్ఫోన్ కొనేందుకు ఆసక్తి చూపిస్తున్నారు. కంపెనీలు కూడా పోటాపోటీగా 5జీ మోడల్స్‌ను పరిచయం చేస్తున్నాయి.
తాజాగా శాంసంగ్ నుంచి 5జీ స్మార్ట్ఫోన్ రిలీజ్ అయింది. శాంసంగ్ గెలాక్సీ ఎఫ్52 5జీ స్మార్ట్‌ఫోన్‌ను పరిచయం చేసింది కంపెనీ. ఈ స్మార్ట్ఫోన్ చైనాలో రిలీజ్ అయింది. శాంసంగ్ గెలాక్సీ ఎఫ్52 5జీ స్మార్ట్‌ఫోన్‌లో క్వాల్కమ్ స్నాప్‌డ్రాగన్ 750జీ ప్రాసెసర్, 4,500ఎంఏహెచ్ బ్యాటరీ లాంటి ప్రత్యేకతలున్నాయి.
ఈ ఫోన్ ధర 1,999 చైనీస్ యువాన్లు. అంటే ఇండియాలో సుమారు రూ.23,000 వరకు ఉంటుంది. ప్రస్తుతం ఈ స్మార్ట్ఫోన్ చైనాలో రిలీజ్ అయింది. చైనాలోనే అందుబాటులో ఉంది. ఇండియాతో పాటు ఇతర దేశాల్లో ఈ స్మార్ట్ఫోన్ ఎప్పుడు రిలీజ్ అవుతుందో తెలియదు.
సాంసంగ్ గెలాక్సీ ఎఫ్52 5జీ స్పెసిఫికేషన్స్
ఫ్రంట్ కెమెరా: 16 మెగాపిక్సెల్
డిస్‌ప్లే: 6.6 అంగుళాల టీఎఫ్‌టీ డిస్‌ప్లే
ర్యామ్: 8జీబీ
ఇంటర్నల్ స్టోరేజ్: 128జీబీ
ప్రాసెసర్: క్వాల్కమ్ స్నాప్‌డ్రాగన్ 750జీ
బ్యాటరీ: 4,500ఎంఏహెచ్ (25వాట్ ఫాస్ట్ ఛార్జింగ్ సపోర్ట్)
ఆపరేటింగ్ సిస్టమ్: ఆండ్రాయిడ్ 11 + వన్ యూఐ 3.1
సిమ్ సపోర్ట్: డ్యూయెల్ సిమ్
కలర్స్: బ్లాక్, వైట్
ధర: సుమారు రూ.23,000.
రియర్ కెమెరా: 64 మెగాపిక్సెల్ మెయిన్ కెమెరా + 8 మెగాపిక్సెల్ అల్‌ట్రావైడ్ యాంగిల్ సెన్సార్ + 2 మెగాపిక్సెల్ మ్యాక్రో సెన్సార్ + 2 మెగాపిక్సెల్ పోర్ట్‌రైట్ సెన్సార్.
