268 గ్రాముల శిశువు.. ప్రపంచ రికార్డు.. ఇప్పుడేమో 3కేజీలు.. ఎలా?

గురువారం, 28 ఫిబ్రవరి 2019 (14:24 IST)
జపాన్ దేశంలో ఓ మహిళకు గర్భస్థ శిశువు పెరుగుదల ఆరు నెలలకే పరిమితం అయ్యింది. ఆపై ఆ బిడ్డ ఆమె కడుపులో పెరగలేదు. ఫలితంగా ఆమె అరచేతి పరిణామంలో ఆ శిశువుకు జన్మనిచ్చింది. అరచేతి పరిణామంలో పుట్టిన ఆ బిడ్డ ప్రపంచంలో అతి పిన్న పరిణామంలో జన్మించిన శిశువుగా రికార్డుకెక్కింది. 
 
వివరాల్లోకి వెళితే.. జపాన్ టోక్యోలోని ఓ మహిళ గర్భంలో శిశువు ఆరుమాసాలే పెరిగింది. మిగిలిన నాలుగు మాసాలు కడుపులో పెరగడం ఆగిపోయింది. ఈ నేపథ్యంలో గత ఏడాది ఆగస్టు నెల సదరు మహిళకు మగ బిడ్డ జన్మించాడు. 
 
అయితే బిడ్డ బరువు 268 గ్రాములే వున్నా.. సంపూర్ణ ఆరోగ్యంతో పుట్టడంతో వైద్యులు ఆశ్చర్యానికి గురయ్యారు. దీంతో ఆ బిడ్డను ఆరు మాసాల వరకు అత్యున్నత వైద్య సేవలు అందించారు. ఐసీయూలో వుంచి చికిత్స చేయించారు. 
 
ప్రస్తుతం ఆ బిడ్డ బరువు మూడు కేజీల 238 గ్రాములు. ప్రస్తుతం ఆ బిడ్డ ఆరోగ్యంగా వున్నాడని వైద్యులు తెలిపారు. ఆపై ఆ బాబును తల్లి చెంతకు చేర్చామని.. ఆస్పత్రి నుంచి ఆరు నెలలకు తర్వాత ఆ బిడ్డను ఇంటికి తీసుకెళ్లినట్లు వైద్యులు చెప్పారు.

వెబ్దునియా పై చదవండి

తర్వాతి కథనం 22 సీట్ల కోసం మాపై యుద్ధమా? యడ్యూరప్ప వ్యాఖ్యలపై ఇమ్రాన్ పార్టీ