కల ఆ యువతికి మంచే చేసింది. ఇంతకీ ఏం జరిగిందంటే.. వివరాల్లోకి వెళితే.. బ్రిటన్ కు చెందిన ఓ యువతికి ఓ యువకుడు పరిచయమయ్యాడు. ఆ పరిచయం కాస్త ప్రేమగా మారిపోయింది. అయితే, వారిద్దరూ వేర్వేరు ప్రాంతాల్లో ఉండేవాళ్లు. ఈ క్రమంలో ఒకరోజూ ఆ యువతికి కల వచ్చింది. తన బాయ్ ఫ్రెండ్ వేరే యువతితో ఉన్నట్లుగా కల వచ్చింది.
మొదటగా అంతగా సీరియస్ గా తీసుకోలేదు. అయితే, ఆ కల రోజూ వస్తుండడంతో సీరియస్ గా తీసుకుంది. తనకు వస్తున్న కల వాస్తవమా? కాదా? అనేది చెక్ చేయాలనుకుంది. అనుకున్న విధంగా ఓ రోజు ఉదయం 4 గంటలకు తన బాయ్ ఫ్రెండ్ రూంకు వెళ్లింది.
అప్పటికే తన వద్ద ఉన్న తాళంతో డోర్ ఓపెన్ చేసింది. ఆ తర్వాత రూంలోకి వెళ్లి బెడ్ రూంలోకి చూసి షాకయ్యింది. తన బాయ్ ఫ్రెండ్ మరో యువతితో కలిసి నిద్రపోతూ కనిపించాడు.
వెంటనే ఆ యువతి తన బాయ్ ఫ్రెండ్ కు బ్రేకప్ చెప్పింది. ఈ విషయాన్నంతా కూడా సోషల్ మీడియాలో షేర్ చేసి.. ఎవరికైనా ఇలాంటి విషయాల్లో ముందుగా తప్పు జరుగుతున్నట్లుగా అనిపిస్తే జాగ్రత్తగా ఉండాలంటూ అందులో పేర్కొంది.
