అమెరికాకు చెందిన ఓ వ్యక్తికి అదృష్ట దేవత తలుపుతట్టింది. ఆ అదృష్టం కూడా మామూలు అదృష్టం కాదు. ఈ అదృష్టం కోట్లాది రూపాయలను గుమ్మరించింది. ఏకంగా రూ.10,136 కోట్లు (అమెరికన్ డాలర్లలో 1.28 బిలియన్ డాలర్లు) ఒక్కసారిగా వచ్చిపడ్డాయి. మెగా మిలియన్స్ అనే సంస్థ నిర్వహిచి ఈ లాటరీలో రెండు డాలర్లు పెట్టిన లాటరీ టిక్కెట్ కొనుగోలు చేసిన ఓ వ్యక్తిని అదృష్ట దేవత ఈ విధంగా కనికరించింది.
ఈ టిక్కెట్ వివరాలను ఆ సంస్థ తాజాగా వెల్లడించింది. ఇల్లినాయిస్ రాష్ట్రంలోని ఓ పెట్రోల్ బంకు వద్ద ఈ టిక్కెట్ అమ్ముడైనట్టు మెగా మిలియన్స్ తెలిపింది. అయితే, ఆ వ్యక్తి ఎవరే విషయం తెలియాల్సి వుందని పేర్కొంది. ప్రభుత్వ ఆధ్వర్యంలో నిర్వహించే ఈ లాటరీ గత 2015 నుంచి జరిగిన 29 డ్రాలలో ఎక్కరికి కూడా జాక్‌పాట్ బహుమతి వరించలేదు.
కానీ, తాజాగా ఓ వ్యక్తికి ఈ జాక్‌పాట్ తగిలింది. పైగా, అగ్రరాజ్యం అమెరికాలో గత ఐదేళ్ళలో ఇదే అతిపెద్ద జాక్‌పాట్ కావడం గమనార్హం. మొత్తంగా ఆ దేశ చరిత్రలో మూడో అతిపెద్ద జాక్‌పాట్ కావడం గమనార్హం. అయితే, ఈ అదృష్టాన్ని వరించిన ఆ అమెరికన్ ఎవరన్నది తెలియాల్సివుంది.
