అసలే వాలెంటైన్స్ డే వచ్చేస్తుంది. ఇలాంటి తరుణంలో మహిళా జడ్జికి ఓ దొంగ లవ్ ప్రపోజల్ చేశాడు. అమెరికాలోని ఫ్లోరిడాలోని ఓ మహిళా జడ్జిని పొగడ్తలతో ఫ్లాట్‌ చేయాలనుకున్నాడు. కానీ అతడి ప్రయత్నం వర్కవుట్‌ కాలేదు. అనూహ్యమైన ప్రపోజల్‌తో అవాక్కయిన మహిళా జడ్జి నా దగ్గర నీ వేషాలు నడవవ్ అంటూ తేల్చి చెప్పారు.
వివరాల్లోకి వెళితే.. అమెరికాలోని ఫ్లోరిడాలో దొంగతనం కేసులో డెమెట్రియస్ లూయిస్ అనే వ్యక్తి అరెస్టయ్యాడు. కోవిడ్‌ నిబంధనల మేరకు జూమ్‌ యాప్‌ ద్వారా ఆన్‌లైన్‌లో కోర్టు విచారణ చేపట్టారు. కేసులో శిక్ష విధిస్తున్నట్టు ప్రకటిస్తుండగా జడ్జి బబితను ఉద్దేశించి నిందితుడు అనూహ్యమైన వ్యాఖ్యలు చేశాడు. మీరు న్యాయమూర్తే కావొచ్చు.. కానీ నా మనసులో మాట చెప్పకుండా ఉండలేనని అన్నాడు.
'మీరు అందంగా ఉన్నారు... ఐ లవ్ యూ మేడమ్‌' అని చెప్పాడు. నన్ను పొగిడితే పడిపోతానని అనుకుంటున్నావేమో, అలా కుదరదని జడ్జి వ్యాఖ్యానించారు. నిందితుడి వైఖరికి జడ్జి, న్యాయమూర్తి అందరూ ఆశ్చర్యపోయారు.
