Select Your Language

Notifications

webdunia
webdunia
webdunia
webdunia
Advertiesment

ఆర్నాల్డ్‌ను కాలితో తన్నిన దుండగుడు...

ఆర్నాల్డ్‌ను కాలితో తన్నిన దుండగుడు...
, ఆదివారం, 19 మే 2019 (13:46 IST)
ప్రముఖ హాలీవుడ్ నటుడు, కాలిఫోర్నియా మాజీ గవర్నర్ ఆర్నాల్డ్‌ ష్వార్జ్‌నెగ్గర్‌ను ఓ దుండగుడు ఇటీవల కాలితో తన్నాడు. ఈయన వయసు 71 యేళ్లు. ఈ సంఘటన సౌతాఫ్రికాలోని జోహెన్స్‌బర్గ్‌లో జరిగింది. 
 
తాజాగా వెలుగులోకి వచ్చిన ఈ వివరాలను పరిశీలిస్తే, ఇటీవల ఆర్నాల్డ్ ద‌క్షిణాఫ్రికాలోని జోహెన్స్‌బ‌ర్గ్‌లో జ‌రిగిన క్లాసిక్ ఆఫ్రికా అనే కార్యక్ర‌మానికి హాజరయ్యారు. ఈ క్ర‌మంలో అభిమానుల‌తో పాటు ప్లేయ‌ర్స్‌తో స‌ర‌దాగా సంభాషిస్తూ ఆర్నాల్డ్ స్నాప్ చాట్ వీడియో తీస్తున్నాడు. ఇంత‌లో ఓ అజ్ఞాత‌వ్య‌క్తి వెన‌క నుండి ప‌రిగెత్తుకుంటూ వ‌చ్చి ఆర్నాల్డ్‌ని త‌న్ని అత‌నే కింద ప‌డ్డాడు. అయితే వెంట‌నే అప్ర‌మ‌త్త‌మైన సిబ్బంది ఆ వ్య‌క్తిని అదుపులోకి తీసుకున్నారు. 
 
అయితే తాను తీసిన స్నాప్ చాట్ వీడియోని ట్విట్ట‌ర్‌లో షేర్ చేసిన ఆర్నాల్డ్ ఈ విష‌యం గురించి పెద్ద‌గా ఆందోళ‌న చెందాల్సిన అవ‌స‌రం లేదు. రద్దీ ఎక్కువగా ఉన్న ప్రదేశాల్లో ఇలాంటి సంఘటనలు జరగడం సహజమేనంటూ తన హుందాతనాన్ని చాటుకున్నాడు. 
 
పైగా, "నన్ను ఎవ‌రో త‌న్నార‌ని వీడియో చూస్తే కాని తెలియ‌దు. ఆ ఇడియ‌ట్ నా స్నాప్ చాట్ వీడియోని నాశ‌నం చేయ‌నందుకు సంతోషం. మీరంద‌రు నాకు ఓ సాయం చేయాలి. ఒక వేళ మీరు ఈ వీడియోని షేర్ చేయాల‌నుకుంటే ఆ వ్య‌క్తి అరుపులు వినిపించ‌కుండా ఉన్న వీడియోని చేయండి. ఆ వ్య‌క్తి అస్స‌లు పాపుల‌ర్ కాకూడ‌దు. దక్షిణాఫ్రికాలోని ఆర్నాల్డ్‌ స్పోర్ట్స్‌ క్లబ్‌లో 90 రకాల క్రీడలు ఉన్నాయి. 24 వేల అథ్లెట్లు ఉన్నారు. ఈ వీడియో ద్వారా వారికి పాపులారిటీ దక్కేలా చేద్దాం" అని ఆర్నాల్డ్ తన ట్వీట్‌లో పేర్కొన్నాడు.
 

Share this Story:

Follow Webdunia telugu

తర్వాతి కథనం

కేంద్రంలో "హంగ్" ఖాయమా?... యూపీఏకు అత్యధిక సీట్లు