టాటూ పిచ్చి.. కంటిచూపు పోగొట్టుకున్న మోడల్... ఎలా?
ఇటీవలి కాలంలో సాహస సెల్ఫీలు దిగుతూ అనేక మంది ప్రాణాలు కోల్పోతున్నారు. ఇంకొందరు టాటూలు వేసుకుంటూ అనారోగ్యం పాలవుతున్నారు.
ఇటీవలి కాలంలో సాహస సెల్ఫీలు దిగుతూ అనేక మంది ప్రాణాలు కోల్పోతున్నారు. ఇంకొందరు టాటూలు వేసుకుంటూ అనారోగ్యం పాలవుతున్నారు. తాజాగా ఓ మోడల్ కనిగుడ్డుపై టాటూ వేయించుకుని కంటిచూపు పోగొట్టుకుంది. తాజాగా వెలుగులోకి వచ్చిన ఈ వివరాలను పరిశీలిస్తే,
కెనడాకు చెందిన మోడల్ కాట్ గాల్లింగర్. తన కుడి కన్ను తెల్ల గుడ్డుకు పర్పుల్ కలర్ ఇంక్‌తో టాటూ వేయించుకుంది. కొన్ని నెలల క్రితం తను ఈ సాహసానికి పూనుకున్నది. ఇంక్‌ను కనుగుడ్డుకు వేసుకున్న మొదటి రోజు నుంచే తనకు కనుచూపు మందగించడం స్టార్ట్ చేసిందట. అంతేకాదు.. రోజూ తన కంట్లో నుంచి ఆ కలర్ కారుతూ ఉంటుందని చెప్పుకొచ్చింది.
ఇంక్ వల్ల కన్నుకు ఇన్ఫెక్షన్ వచ్చి ఇప్పుడు కన్ను మసకమసక కనిపిస్తుంది. కంటి సమస్య నుంచి బయట పడటానికి కాట్ వాడని మందులు లేవు.. తిరగని హాస్పిటల్స్ లేవు. ఏం చేసినా.. కంటి చూపును మాత్రం తిరిగి సంపాదించడం అసాధ్యమని వైద్యులు తేల్చేశారు. దీంతో మసక మసకగా కనిపిస్తున్న కంటితో, ఇన్ఫెక్షన్‌తో వస్తున్న నొప్పిని తట్టుకోలేక తీవ్ర ఇబ్బందులను ఎదుర్కొంటున్నదట కాట్.
అంతేకాదండోయ్.. తనలాంటి సమస్య మరెవరికీ రాకూడదని ఫేస్‌బుక్ వేదికగా తన స్టోరీని అందరితో పంచుకొని.. ఎవరూ ఇటువంటి సాహసాలకు ఒడికట్టొద్దని తన కన్ను ఫోటోలను షేర్ చేసి నెటిజన్లను మేల్కొలుపుతున్నది.
