భూమికి పెనుముప్పు తప్పేలాలేదు. ఓ భారీ గ్రహశకలం భూమి వైపునకు దూసుకొస్తోంది. సైజులో అత్యంత భారీ పరిమాణంగా ఉండటం ఆందోళన కలిగిస్తోందని, దాని వేగం కూడా ఇదివరకటి అస్టరాయిడ్లతో పోల్చుకుంటే.. రెట్టింపు ఉందని అంతరిక్ష పరిశోధనా సంస్థ నాసా వెల్లడించింది.
ఇంకొద్ది రోజుల్లో ఈ గ్రహశకలం భూకక్ష్యలోకి ప్రవేశించే ప్రమాదం లేకపోలేదని పేర్కొంది. దీనివల్ల కొన్ని విపత్కర పరిస్థితులు తలెత్తవచ్చని అంచనా వేస్తున్నట్లు నాసా శాస్త్రవేత్తలు తెలిపారు.
పరిమాణంలో భారీగా.. న్యూయార్క్‌లోని ఎంపైర్ స్టేట్ బిల్డింగ్ ఎత్త 381 మీటర్లు. ఇది భూమి వైపు అసాధారణ వేగంతో దూసుకొస్తోంది. ఈ నెల 18వ తేదీన భూకక్ష్యలోకి ప్రవేశిస్తుందని నాసా శాస్త్రవేత్తలు స్పష్టం చేశారు. అమెరికా కాలిఫోర్నియాలోని గోల్డెన్ గేట్ బ్రిడ్జ్ సైజు కంటే పెద్దగా ఉండొచ్చని అంచనా వేశారు. ఈ బ్రిడ్జ్ పొడవు 2,737 మీటర్లు.
ఈ గ్రహశకలం ఇప్పటిది కాదు. 1994లో దీన్ని గుర్తించారు. 1994 ఆగస్టు 9న ఆస్ట్రేలియాలోని సైడింగ్ స్ప్రింగ్ అబ్జర్వేటరీ సైంటిస్ట్ రాబర్ట్ మెక్‌నాట్ దీన్ని కనుగొన్నారు.
భవిష్యత్తులో ఇది భూమికి అత్యంత సమీపానికి వస్తుందంటూ అప్పట్లో రాబర్ట్ మెక్‌నాట్ అంచనా వేశారు. భూమికి అత్యంత సమీపానికి వస్తోండటం వల్ల ప్రమాదకరమైన గ్రహశకలంగా నాసా శాస్త్రవేత్తలు గుర్తించారు.
