ఆదివారం రోజున మాంసాహారాలు తింటున్నారా..?

బుధవారం, 3 ఏప్రియల్ 2019 (10:37 IST)
ఆదివారం వచ్చిందంటే.. ప్రతి ఇంటా నోరూరించే మాంసాహార వంటకాలు ఘుమఘుమలాడుతుంటాయి. నిజానికి ఆదివారం మాంసాహారం తినకూడదని పురాణాలు చెప్తున్నారు. ఆదివారానికి, మాంసానికి సంబంధం ఏంటనే కదా ధర్మ సందేహం. అయితే ఈ కథనం చదవండి.
 
మన దేశాన్ని పాలించిన ఆంగ్లేయులు తమ ప్రార్థనలకు కావలసిన ఆదివారాన్ని సెలవు దినంగా ప్రకటించారు. మనం కూడా దాన్నే సెలవుదినంగా పాటిస్తూ సెలవు రోజుల్లో ఎంజాయ్ అనే పేరుతో కొంతమంది మద్యమాంసాలు ఆరగిస్తున్నారు. మరికొంతమంది మాంసాహారంతో రోజును గడిపేస్తున్నారు. ఇంకొంతమంది డాక్టర్లే మాంసం తీసుకోమని చెప్పారని, అందుకే క్రమం తప్పకుండా మాంసాహారం తీసుకుంటున్నట్టు చెప్తుంటారు. 
 
నిజానికి ఆదివారం సూర్యునికి సంబంధించిన వారం. దీన్నే రవివారంగానూ పిలుస్తారు. ఆంగ్లంలో సైతం సన్‌డే అంటూ సూర్యుని ప్రాధాన్యాన్ని చెప్పకనే చెప్పారు. జ్యోతిష్య శాస్త్రం ప్రకారం ప్రత్యక్ష నారాయణుడు అయిన సూర్యభగవానుడు ఆరోగ్య ప్రధాత. అనారోగ్యాలు ఉన్నవారిని ఆదివారం నాడు సూర్యభగవానుణ్ణి పూజించమని అర్థం. ఆ స్వామికి సంబంధించిన స్తోత్రాలు పఠించమని చెబుతారు. అంతేకాదు వైద్యులు సైతం ఉదయం సాయంత్రం వేళల్లో ఎండలో ఉండడం వలన ఎన్నో ప్రయోజనాలు పొందుతారని చెప్తారు. 
 
సూర్యునికి ఇష్టమైన ఆదివారం నాడు మాంసాహారం తీసుకోవడం వలన ఆరోగ్యానికి హాని కలుగుతుందన్నది జ్యోతిష్య శాస్త్రం చెపుతున్న వాస్తవం. మాంసాహారం తీసుకోవడం వలన ఆ రోజంతా శరీరాన్ని రజోగుణం పట్టి ఉంచుతుంది. దానివలన ఏ విధమైన భగవత్ కార్యాలు చేయలేం. ఫలితంగా అనారోగ్యాలు చుట్టుముడుతాయి. ఆదివారం మాంసాహారం తీసుకోకుండా, ఉప్పులేని భోజనం చేసిన వారికి, ఉపవాసం చేసిన వారికి కోపం తగ్గుతుందట. అంతేకాకుండా, ఆ ఆ రోజు సూర్యునికి అర్ఘ్యం ఇవ్వడం వలన ఎన్నో ఆర్థిక, ఆరోగ్య సమస్యల నుంచి బయటపడవచ్చును. 
 
కావాలంటే 7 ఆదివారాలు మాంసాహారం మానేసి సూర్యునికి సంబంధించిన స్తోత్రాలు చదవండి. మితాహారం తీసుకోవడం, సూర్యోపాసనం చేయడం వంటివి చేయండి. మీ ఆరోగ్యంలో వచ్చే మార్పులను మీరే గమనించవచ్చు. 

వెబ్దునియా పై చదవండి

సంబంధిత వార్తలు

తర్వాతి కథనం 03-04-2019 - బుధవారం మీ రాశిఫలితాలు