ఈ ఆకు కూరల్లో ఏముందో తెలిస్తే ఎగబడతారంతే...

సోమవారం, 16 మార్చి 2020 (21:02 IST)
నాన్ వెజ్ ఆహారాన్ని చాలామంది బలాన్ని ఇస్తుందని అనుకుంటారు. ఆ సంగతి ప్రక్కన పెడితే వాటికి సమానంగా ఆకు కూరలు కూడా బలాన్ని అందిస్తాయి. రోజువారీగా ఒక కప్పు ఆకుకూర ఆహారంతో కలిపి తీసుకుంటే ఆరోగ్యంగా ఉంటారని నిపుణులు సూచిస్తున్నారు. ఏయే ఆకుకూరల నుంచి ఎలాంటి శక్తి లభిస్తుందో చూద్దాం.
 
1. తోటకూరలో 50 కేలరీల శక్తి లభిస్తుంది. బీ1, బీ2 విటమిన్లు కలిగివుండే తోటకూర కంటిచూపుకు చాలామంచిది. 
 
2. బచ్చలికూరలో 66 శాతం ఇనుము ఉంటుంది. శరీరానికి చలువను, శక్తిని ఈ కూర అందిస్తుంది. మొలలు వంటి వ్యాధులను అరికడుతుంది. 
 
3. అవిశ కూర ద్వారా లభించే ఐరన్ గర్భిణీ స్త్రీలకు చాలా మేలు చేస్తుంది. మూత్రాశయంలో ఏర్పడే రాళ్ళను కరిగించే శక్తి ఈ ఆకుకూరకు ఉంది. 
 
4. పుదీనా ఆకు నోటి దుర్వాసనను, నోటిలోని పుండ్లను నివారిస్తుంది. దీని వాసనకు క్రిములు దూరమవుతాయి. 
 
5. కొత్తిమీర రక్తవృద్ధిని, జీర్ణవృద్ధిని ఆకలిని పెంచుతుంది. కరివేపాకు క్యాన్సర్‌ను నెరవేరుస్తుంది.
 
6. ఇక గోంగూర దగ్గు, ఆయాసం, తుమ్ముల బాధకు మందులా పనిచేస్తుంది. కాల్షియం లభ్యమై రక్తహీనతను పోగొడుతుంది. 
 
7. పొన్నంగంటికూర రక్తాన్ని శుభ్రపరచటమే కాకుండా శరీరానికి చలువనిస్తుంది. గుండెకు మంచిది. బి, సి విటమిన్‌లు ఎక్కువగా ఉంటాయి. జీర్ణశక్తిని పెంచుతుంది. మూత్రవ్యాధులను నివారిస్తుంది. 
 
8. పాలకూర ఎ, సి విటమిన్‌లు ఉన్నాయి. ఇనుము, కాల్షియం లోపాలు లేకుండా పిల్లల పెరుగుదలకు తోడ్పడుతుంది. 

వెబ్దునియా పై చదవండి

తర్వాతి కథనం ఎండలు ప్రారంభం, ఇవి తింటే ఆరోగ్యానికి మంచిది