టమోటాలు ఆరోగ్యానికి ఎంతో మేలుచేస్తాయి. తరచు వీటిని తీసుకోవడం వలన లివర్ క్యాన్సర్ వచ్చే అవకాశాలు చాలా తక్కువగా ఉన్నాయని ఇటీవలే ఓ పరిశోధనలో వెల్లడించారు. టమోటాలు లేని వంటకం అంటూ ఉండదు. టమోటాలోని యాంటీ ఆక్సిడెంట్స్, విటమిన్స్, మినరల్స్ వంటి ఖనిజాలు ఎముకల బలానికి ఎంతో దోహదపడుతాయి. దాంతో పాటు శరీరంలోని చెడు మలినాలను తొలగిస్తాయి.
టమోటాలు ఎక్కువగా తీసుకోవడం వలన వాటిల్లో ఉండే లైకోపీన్ క్యాన్సర్ కణాలు పెరుగుదలను అడ్డుకుంటుందని, లివర్ క్యాన్సర్ రాకుండా చేస్తుందని, అలానే లివర్ ఆరోగ్యాన్ని కూడా మెరుగుపరుస్తుందని అధ్యయనంలో వెల్లడించారు. ఈ లైకోపీన్ ఆమ్లం వలన గుండె వ్యాధులు, మధుమేహం కూడా రాకుండా ఉంటాయని వారు అంటున్నారు. టమోటాతో తయారుచేసిన వంటకాల్లు తింటుంటే శరీరానికి కావలసిన పోషకాలు సక్రమంగా అందుతాయి.
2 టమోటాలు తీసుకుని వాటిని చిన్న చిన్న ముక్కలుగా కట్ చేసుకోవాలి. ఆ తరువాత వాటిల్లో కొన్ని తరిగిన ఉల్లిపాయలు, కొద్దిగా ఉప్పు, కారం, జీలకర్ర పొడి, మిరియాల పొడి, పసుపు, ధనియాల పొడి, నూనె వేసి బాగా కలుపుకోవాలి. ఈ మిశ్రమాన్ని బ్రెడ్ స్లైసెల్లో పెట్టుకుని కాసేపు పాన్‌లో వేయించి తీసుకుంటే ఎంతో రుచిగా ఉంటుంది. ఇలా రోజు తింటుంటే క్యాన్సర్ వ్యాధుల నుండి ఉపశమనం పొందవచ్చును.
