వరల్డ్ ట్రామా డే : ట్రామా అంటే ఏమిటి? చరిత్ర - ప్రాముఖ్యత

ప్రతి యేటా అక్టోబరు నెల 17వ తేదీన ప్రపంచ గాయం దినోత్సవాన్ని (వరల్డ్ ట్రామా డే)ను నిర్వహించడం ఆనవాయితీగా వస్తుంది. గాయం బాధితులకు మద్దతుగా గొంతుక వినిపించే నిమిత్తం ఈ దినోత్సవాన్ని నిర్వహిస్తుంటారు. అలాగే, బాధితులకు ఎలాంటి బాధాకరమైన సంఘటనలు జరగకుండా నివారణ చర్యలకు కట్టుబడి ఉండేలా వారికి అవగాహన కల్పించడమే ఈ డే ముఖ్యోద్దేశం. 

రోడ్డు ట్రాఫిక్ ప్రమాదాల సంఖ్య ఎక్కువగా ఉన్న కారణంగా 2011లో న్యూఢిల్లీలో మొదటి వార్షిక ప్రపంచ ట్రామా డేని పాటించారు. ప్రపంచవ్యాప్తంగా గాయపడిన సంఘటనల వల్ల కలిగే ప్రాణనష్టం, దీర్ఘకాలిక ప్రభావాలను తగ్గించడానికి ఈ డేను పాటిస్తున్నారు. బాధాకరమైన గాయాలు అనారోగ్యం, మరణాలు రెండింటికీ ప్రధాన కారణం. వాటి ప్రాబల్యం వేగంగా పెరుగుతోంది. ప్రమాదాల వల్ల సంభవించే ప్రాణనష్టం, గాయాల సంఖ్యను తగ్గించడానికి నివారణ చర్యలు తీసుకోవాల్సిన అవసరం గురించి ప్రజలకు అవగాహన కల్పించడానికి ప్రపంచ ట్రామా డే సృష్టించబడింది.

కాలిన గాయాలు, పడిపోవడం, రోడ్డు ప్రమాదాలు, అగ్నిప్రమాద గాయాలు, ప్రకృతి వైపరీత్యాలు వంటి వివిధ మార్గాల ద్వారా శరీరానికి కలిగే శారీరక గాయాలనే గాయంగా వైద్యలు నిర్వచించారు. రోడ్డు ప్రమాదాలే ప్రపంచవ్యాప్తంగా గాయాలకు ప్రధాన కారణంగా నిలించింది. గాయం యొక్క కారణాలు గాయం యొక్క నిర్వచనం వలే విస్తృతంగా, విభిన్నంగా ఉంటాయి. హింస, ఇంట్లో, కార్యాలయంలో ప్రమాదాలు, ప్రకృతి వైపరీత్యాలు ట్రాఫిక్ ప్రమాదాల వెలుపల జరిగే వాటికి కొన్ని ఉదాహరణలు.

ఈ రోజు ట్రామా కేర్ ఆవశ్యకతపై అవగాహన కల్పిస్తుంది. ట్రామా నివారణ, ట్రామా మేనేజ్‌మెంట్ పాఠశాల వయస్సు పిల్లలకు, ప్రజలకు, ఆరోగ్య నిపుణులకు నేర్పించవచ్చు. అత్యవసర పరిస్థితుల్లో ప్రథమ చికిత్సను ఎలా సమర్థవంతంగా నిర్వహించాలనే దానితో సహా ప్రాథమిక ట్రామా కేర్ పరిజ్ఞానాన్ని ప్రజలకు అందించడం వల్ల ప్రాణాలను కాపాడవచ్చు.

వరల్డ్ ట్రామా డే 2024 యొక్క థీమ్ 'ఆఫీస్ గాయాలు : నివారణ మరియు నిర్వహణ' పేరుతో డిజైన్ చేశారు. కమ్యూనిటీలలో గాయం సంఘటనల సంఖ్యను తగ్గించడానికి అక్టోబరు 17న ప్రపంచవ్యాప్తంగా ఈ దినోత్సవాన్ని పాటిస్తారు. భారతదేశంలో అనుకోకుండా జరిగే గాయాల వల్ల మరణాలకు రోడ్డు ప్రమాదాలే ప్రధాన కారణమని కేంద్ర ఆరోగ్య మంత్రిత్వ శాఖ రూపొందించిన నివేదిక ప్రకారం, రోడ్డు ప్రమాదాలు 43.7 శాతం మరణాలకు కారణమవుతున్నాయి. 

నివేదిక ప్రకారం, 2022లో భారతదేశంలో 4,30,504 మంది అనుకోకుండా గాయపడ్డారు. 1,70,924 మంది ఉద్దేశపూర్వక గాయాల కారణంగా మరణించారు. "2016 నుండి 2022 వరకు, రోడ్డు ప్రమాదాల కారణంగా అనుకోకుండా మరియు ఉద్దేశపూర్వక గాయాల కారణంగా మరణాలు స్వల్పంగా పెరిగాయి. ట్రాఫిక్ క్రాష్‌లు (ఆర్‌టిసిలు) అనుకోకుండా గాయాలకు అత్యధిక కారణం (43.7 శాతం)" అని పేర్కొంది.