గ్లాసుడు నిమ్మరసం తాగితే బరువు ఇట్టే తగ్గిపోతారు.. (video)

ఉదయం లేవగానే టీ, కాఫీలు తాగకుండా.. ప్రతిరోజూ ఓ గ్లాసుడు నిమ్మరసం తీసుకుంటే.. సులభంగా బరువు తగ్గొచ్చునని ఆరోగ్య నిపుణులు సూచిస్తున్నారు. గోరువెచ్చని నీటిలో నాలుగు స్పూన్ల నిమ్మరసం కలుపుకుని తాగితే ఆరోగ

ఉదయం లేవగానే టీ, కాఫీలు తాగకుండా.. ప్రతిరోజూ ఓ గ్లాసుడు నిమ్మరసం తీసుకుంటే.. సులభంగా బరువు తగ్గొచ్చునని ఆరోగ్య నిపుణులు సూచిస్తున్నారు. గోరువెచ్చని నీటిలో నాలుగు స్పూన్ల నిమ్మరసం కలుపుకుని తాగితే ఆరోగ్యానికి ఎంతో మేలు చేకూరుతుంది. ఎందుకంటే నిమ్మలో ఆల్కలైన్ లక్షణాలు కలిగి ఉండి శరీరంలోని టాక్సిన్స్‌ను నిర్మూలిస్తాయి. 

వేడి నిమ్మరసం ఖాళీ కడుపున త్రాగడం వల్ల జీర్ణవ్యవస్థ మెరుగుపడుతుంది. మసాలా, జంక్ ఫుడ్ తీసుకుంటే ఉదయం నిమ్మరసం తాగడం వల్ల కడుపు ఉబ్బరం ఉండదు. అల్సర్లను దూరం చేసుకోవచ్చు. బరువు తగ్గాలనుకునే వారికి నిమ్మరసం మంచి ఔషదం లాంటిది. పొద్దున్నే ఒక గ్లాస్‌ నిమ్మరసం తాగడం వలన పొట్టలోని కొవ్వు కరిగిపోతుంది. 

నిమ్మరసంలో విటమిన్ సి అధికంగా ఉంటుంది. తద్వారా వ్యాధినిరోధక శక్తి పెరుగుతుంది. దీంతోపాటు పలు బాక్టీరియా, వైరస్ ఇన్‌ఫెక్షన్ల నుంచి మనకు రక్షణను ఇస్తుంది. ప్రధానంగా జలుబు, దగ్గు, ఫ్లూ జ్వరం వంటివి తగ్గిపోతాయి. 

ఇంకా పరుగడుపున నిమ్మరసం తాగడం ద్వారా వయస్సు మీద పడుతుండడం వల్ల వచ్చే ముడతలు పోతాయి. యాంటీ ఏజింగ్ ఏజెంట్‌గా నిమ్మరసం పనిచేస్తుంది. రక్తంలోని గ్లూకోజ్ లెవల్స్ నియంత్రణలో ఉంటాయి. దీంతో డయాబెటిస్ అదుపులోకి వస్తుందని ఆరోగ్య నిపుణులు సూచిస్తున్నారు.