వేసవికాలంలో మాత్రమే లభించే తాటి ముంజల వల్ల అనేక ప్రయోజనాలు ఉన్నాయని మీకు తెలుసా? ఆరు అరటిపండ్లలో ఉండే పొటాషియం ఒక్క తాటి ముంజలో ఉంటుందంటే నమ్మగలరా? ఔనండి..వీటిని ఐస్ ఆపిల్స్ అని అంటారు. ప్రకృతి ప్రసాదించిన వరం తాటి ముంజలు.
ఈ తాటి ముంజలలో అద్భుత ఔషధ గుణాలు ఉండడం వల్ల వీలైతే వీటిని ప్రతిరోజూ తినడానికి ప్రయత్నించండి. సాధారణంగా కల్తీ లేని తాటి ముంజలను ఇష్టపడని వారు ఉండరు.
తాటి ముంజల వల్ల కలిగే ప్రయోజనాలు ఏమిటో ఇప్పుడు చూద్దాం.
* తాటి ముంజలు శరీరంలో అధికంగా పేరుకున్న కొలెస్ట్రాల్‌ని తగ్గిస్తుంది.
* ముంజల్లో ఉండే కాల్షియం ఎముకలకు బలాన్ని చేకూరుస్తుంది, రోగనిరోధకశక్తిని పెంచుతుంది.
* ఇందులో ఉండే ఏ, బీ, సి విటమిన్లు, ఐరన్, జింక్, ఫాస్పరస్, పొటాషియం వంటి పోషకాలు ఆరోగ్యానికి మేలును చేకూరుస్తాయి.
* తాటి ముంజలను తినడం వల్ల బీపీ కంట్రోల్‌లో ఉంటుంది.
* గుండె సంబంధిత వ్యాధులతో బాధపడుతున్న వారికి, చక్కెర వ్యాధిగ్రస్తులకు మంచిది.
* లివర్ సమస్యలతో సతమతమవుతున్న వారు తీసుకుంటే మంచిదట.
* మొటిమలతో బాధపడుతున్న వారు తాటి ముంజలు లభించినన్ని రోజులు వాటిని తింటే తగ్గుముఖం పడతాయి.
* ఎండ వేడిమి వల్ల శరీరంలో కలిగే గ్లూకోజ్ హెచ్చుతగ్గులను నివారిస్తుంది.
* తాటి ముంజలో ఉండే పొటాషియం శరీరంలో పేరుకుని ఉన్న విషపదార్థాలను తొలగించడంలో కీలక పాత్ర పోషిస్తాయి.
* మండే ఎండల కారణంగా శరీరం డీహైడ్రేషన్‌కి గురవుతుంది. ఆ సమయంలో ముంజలు తింటే శారీరక ఉపశమనం పొందవచ్చు.
* కేన్సర్ కణాల నిరోధానికి సైతం ముంజలు ఉపయోగపడతాయి. ట్యూమర్, బ్రెస్ట్ కేన్సర్ కణాలను అభివ‌ృద్ధి చేసే పెట్రో కెమికల్స్, ఆంథోసైనిన్ లాంటి వాటిని నిర్మూలిస్తాయి.
