ప్రకాష్‌రాజ్‌తో గొడవలా? అదో పెద్ద జోక్.. అనుపమ పరమేశ్వరన్
విల‌క్ష‌ణ న‌టుడు ప్రకాష్ రాజ్, స్టార్ హీరోయిన్ అనుపమ పరమేశ్వరన్‌ల మధ్య విబేధాలున్నట్లు వార్తలొచ్చాయి. అయితే ఈ వార్తల్లో ఎలాంటి నిజం లేదని అనుపమ స్పష్టం చేసింది. తేజ్ ఐ లవ్ యూ సినిమాతో ప్రేక్షకుల ముంద
విల‌క్ష‌ణ న‌టుడు ప్రకాష్ రాజ్, స్టార్ హీరోయిన్ అనుపమ పరమేశ్వరన్‌ల మధ్య విబేధాలున్నట్లు వార్తలొచ్చాయి. అయితే ఈ వార్తల్లో ఎలాంటి నిజం లేదని అనుపమ స్పష్టం చేసింది. తేజ్ ఐ లవ్ యూ సినిమాతో ప్రేక్షకుల ముందుకొచ్చిన అనుపమ పరమేశ్వరన్.. ప్రకాష్‌తో గొడవపడిందని సోషల్ మీడియాలో జోరుగా ప్రచారం సాగింది. కానీ తమ మధ్య ఎలాంటి విబేధాల్లేవని ట్విట్టర్లో ప్రకాష్ రాజ్‌తో దిగిన సెల్ఫీని పోస్టు చేస్తూ క్లారిటీ ఇచ్చింది.
ప్రకాష్ రాజ్, అనుపమ పరమేశ్వరన్ క‌లిసి తాజాగా హలో గురు ప్రేమ కోసమే అనే సినిమాలో న‌టిస్తున్నారు. రామ్ హీరోగా న‌టిస్తోన్న ఈ సినిమాకి న‌క్కిన త్రినాథ‌రావు ద‌ర్శ‌క‌త్వం వ‌హిస్తున్నారు. హలో గురు ప్రేమ కోసమే సినిమా షూటింగ్‌లోనే ప్రకాష్ రాజ్, అనుపమా పరమేశ్వరన్‌ల మధ్య గొడవలు జరిగాయని, అనుపమ కంటతడి పెట్టుకున్నారని టాక్ వచ్చింది.
అవన్నీ ఉత్తుత్తివేనని.. ప్రకాష్ రాజ్‌తో గొడవ పెద్ద జోక్ అంటూ అనుపమ వెల్లడించింది. ఎవరో ప్లాన్ ప్రకారం ఈ వదంతులను వ్యాపింపజేశారని, ప్రకాష్ రాజ్ తనకు తండ్రిలాంటి వారని.. ఆయనతో గొడవలంటూ చక్కర్లు కొట్టిన వార్తలు విని చాలా బాధపడ్డానని అనుపమ తెలిపింది.
