ఆగస్ట్ ఒకటో తేదీ.. వాణిజ్య సిలిండరు ధర తగ్గింది

ప్రతి నెల మొదటి తేదీన చమురు కంపెనీలు గ్యాస్ ధరలను పునసమీక్షిస్తుంటాయి. ఇందులోభాగంగా, ఆగస్టు ఒకటో తేదీన చేపట్టిన సమీక్షలో వాణిజ్య సిలిండర్ల వినియోగదారులకు ఉపశమనం కల్పించాయి. 19 కేజీల ఎల్పీజీ సిలిండర్ ధరను చమురు సంస్థలు కొంత మేరకు తగ్గించాయి. ఈ ధర తగ్గింపు రూ.36 పైసలుగా ఉంది. 

అయితే, హైదరాబాద్ నగరంలో మాత్రం ఈ తగ్గింపు రూ.44.50పైసలుగా ఉంది. ఫలితంగా భాగ్యనగరిలో కమర్షియల్‌ గ్యాస్‌ సిలిండర్‌ ధర రూ.2,242 నుంచి రూ.2,197.50కు తగ్గింది. ఈ ధరలు నేటి నుంచే అమల్లోకి వస్తాయని చమురు సంస్థలు తెలిపాయి. అయితే 14.2 కేజీల గృహ వినియోగ సిలిండర్‌ ధరలో మాత్రం ఎలాంటి మార్పూ లేదు.