దేవుడా ఇదేం పెళ్లి : బికినీలో పెళ్లి.. బురదలో ముద్దులు (video)

మంగళవారం, 2 ఏప్రియల్ 2019 (14:13 IST)
పిచ్చి పలు రకాలు అని అంటుంటారు. ఓ జంట వింత పద్ధతిలో చేసుకున్న వివాహం ప్రస్తుతం వైరల్‌గా మారింది. సోషల్ మీడియాలో హాట్ టాపిక్‌గా నిలిచింది. ఓ మినీ ఆటో వెనుక భాగంలో చిన్న పందిరి వేసుకుని పెళ్లి చేసుకున్నారు. ఇది కూడా విశేషమేనా అనుకుంటున్నారా..అయితే ఓసారి ఈ వీడియో చూడండి. అందులో ఈ వింత వివాహం చూసి మీరు కూడా ముక్కుమీద వేలేసుకుంటారు. 
 
సాధారణంగా పెళ్లి కూతురు తన సంప్రదాయాల ప్రకారం ముస్తాబవుతుంది. కానీ మనం చెప్పుకునే ఈ పెళ్లి కూతురు మాత్రం బికినీ వేసుకొని ఉంది. మరోపక్క పెళ్లి కొడుకు తక్కువ తినలేదండోయ్..పెళ్లి కొడుకు కూడా షర్ట్ వేసుకోకుండానే పెళ్లి చేసుకునేందుకు సిద్ధం అయ్యాడు.
 
బికినీలో ఉన్న పెళ్లి కూతురిని వివాహమాడి, ఆమెను మినీ ఆటో నుంచి కిందికి అపురూపంగా దించాడు. ఆ తర్వాత ఇంకాస్త అపురూపంగా ఎత్తుకుని ముద్దులు కూడా పెట్టుకున్నాడు. అంతటితో ఆగకుండా ఆమెను తీసుకెళ్లి ఓ బురదగుంటలో పడేసాడు. 
 
తను కూడా బురదగుంటలో దూకేసి..ఆమెను ముద్దులతో ముంచెత్తాడు. ఈ వింత వివాహానికి హాజరైన వారి మిత్రులు ఈ చిత్రాలను కెమెరాల్లో బంధించారు. దానిని సోషల్ మీడియాలో పోస్ట్ చేయగా.. ఇప్పటికే దాదాపు లక్షమంది దీనిని షేర్ చేసారు.
 

వెబ్దునియా పై చదవండి

సంబంధిత వార్తలు

తర్వాతి కథనం నిజంగా వెన్నుపోటుకు గురైంది చంద్రబాబే : డాక్టర్ కుసుమ రావు