సాఫ్ట్వేర్ కంపెనీలో ఉద్యోగం చేస్తున్న యువతి తమ్ముడు డ్యాన్స్ స్కూల్లో చేరాడు. తమ్ముడి కోసం వెళ్ళి వస్తున్న యువతికి డ్యాన్స్ మాస్టర్ దగ్గరయ్యాడు. ఆమెతో చనువుగా ఉంటూ వచ్చాడు. ఇంటికి పిలిచాడు. జ్యూస్‌లో మత్తు మందు ఇచ్చాడు. మత్తులో ఉండగానే ఆమెపైన అత్యాచారానికి పాల్పడ్డాడు. ఆ తరువాత ఆమెను బెదిరించి లొంగదీసుకుని ఎంజాయ్ చేశాడు. వీడియోలు తీశాడు. కానీ చివరకు..
చెన్నైలోని మేడవాక్కం ఏరియాలో నివాసముంటున్న వినోదా అనే యువతి తన తమ్ముడు రాకేష్‌ను డ్యాన్స్ స్కూలుకు తీసుకెళుతూ ఉండేది. అక్కడ ప్రభు అనే డ్యాన్స్ మాస్టర్ పరిచయ్యాడు. ఆమెను ఎలాగైనా లోబరుచుకోవాలని భావించాడు ప్రభు.
తన పుట్టినరోజు ఉందని నాలుగునెలల క్రితం ఇంటికి పిలిపించుకున్నాడు. జ్యూస్‌లో మత్తుమందు కలిపి ఇచ్చాడు. ప్రభుకు అతని తల్లి సహకరించింది. అంతటితో ఆగలేదు. ఆ తరువాత ఆమెను బెదిరించి కోర్కె తీర్చుకోవడం ప్రారంభించాడు. ఫలితంగా ఆ యువతి గర్భవతి అయ్యింది. అంతకుముందే ఆమెతో ఏకాంతంగా గడిపిన దృశ్యాలను కెమెరాలో చిత్రీకరించాడు.
ఎక్కడైనా విషయం చెబితే సోషల్ మీడియాలో పోస్ట్ చేస్తానని బెదిరించాడు. దీంతో ఆమె గర్భవతి అయినా కూడా లోలోపల ఆవేదనకు గురైంది. ప్రభును పెళ్ళి చేసుకోమని ప్రాధేయపడింది. అయితే ప్రభు ఒప్పుకోకపోవడంతో ఇంటిలో ఆత్మహత్య చేసుకుంది. ఆమె గర్భవతి అనే విషయం చనిపోయిన తరువాత వినోదా తల్లిదండ్రులకు తెలిసింది.
సుసైడ్ లేఖలో ఆమె అన్ని విషయాలు రాయడంతో అసలు విషయం బయటపడింది. దీంతో వినోదా తల్లిదండ్రులు తీవ్ర ఆవేదనకు గురయ్యారు. నిందితుడు ప్రభును కఠినంగా శిక్షించాలని వినోదా తల్లిదండ్రులు పోలీసులు కోరుతున్నారు.
