ఆస్ట్రేలియా కెప్టెన్ ప్యాట్ కమిన్స్ భారీ సిక్సర్ షాట్ ప్రస్తుతం నెట్టింట వైరల్ అవుతోంది. గాలే వేదికగా శ్రీలంకతో జరుగుతున్న టెస్ట్ మ్యాచ్‌లో కమిన్స్ భారీ షాట్ కొట్టాడు. ఎంత బలంతో కొట్టాడో గానీ ఆ బంతి ఏకంగా స్టేడియం బయట ఉన్న రోడ్డుపై పడింది.
కమిన్స్ కొట్టిన ఈ షాట్ ప్రత్యర్థి ఆటగాళ్లతో పాటు అందరినీ విస్మయానికి గురిచేసింది.స్టేడియంలోని అభిమానులు సైతం నోరెళ్లబెట్టారు.
ఐపీఎల్‌లో కోల్‌కతానైట్‌ రైడర్స్‌కు ప్రాతినిథ్యం వహిస్తోన్న ఈ ఆల్‌రౌండర్‌ ఈ సీజన్‌లోనూ కొన్ని మెరుపు ఇన్నింగ్స్‌‌లు ఆడాడు. అందులో ముంబైపై ఏకంగా 14 బంతుల్లోనే హాఫ్ సెంచరీ చేసి తన అదుర్స్ అనిపించాడు. ప్రస్తుతం దీనికి సంబంధించిన వీడియో నెట్టింట్లో వైరల్‌గా మారింది.
ఇక మ్యాచ్‌ విషయానికొస్తే..శ్రీలంక తన తొలి ఇన్నింగ్స్ లో 212 పరుగులకే ఆలౌట్ అయ్యింది. ఇక అనంతరం బ్యాటింగ్‌ ప్రారంభించిన ఆసీస్ రెండో రోజు ఆట ముగిసే సమయానికి 69 ఓవర్లలో 8 వికెట్ల నష్టానికి 318 పరుగులు చేసింది.
