భారత క్రికెట్ దిగ్గజం సునీల్ గవాస్కర్ ఐపీఎల్‌లో అందరినీ ఆకట్టుకుంటున్న ఒక రోబోటిక్ డాగ్‌తో సరదాగా డ్యాన్స్ చేశారు. ఈ వీడియో సోషల్ మీడియాలో వైరల్ అవుతోంది. ఇండియన్ ప్రీమియర్ లీగ్ (ఐపీఎల్) 18వ సీజన్‌లో భాగంగా మొదటిసారిగా రోబోటిక్ డాగ్‌లను ప్రవేశపెట్టారు. ఈ యంత్రాలతో నడిచే కుక్కలు టాస్ సమయంలో మ్యాచ్ బంతిని మోసుకెళ్లడం ద్వారా ప్రేక్షకులను అలరిస్తున్నాయి.
ఈ నేపథ్యంలో బెంగళూరులోని ఎం. చిన్నస్వామి స్టేడియంలో జరిగిన రాయల్ ఛాలెంజర్స్ బెంగళూరు vs రాజస్థాన్ రాయల్స్ మ్యాచ్ రోజున, మ్యాచ్ ప్రారంభానికి ముందు సునీల్ గవాస్కర్ మైదానంలో ఉన్న రోబోటిక్ డాగ్‌తో డ్యాన్స్ చేశాడు. ఈ వీడియో సోషల్ మీడియాలో వైరల్ అవుతోంది.
