బార్బడోస్‌లో జరిగిన ఐసీసీ పురుషుల టీ20 ప్రపంచ కప్ 2024 ఫైనల్‌లో టీమిండియా దక్షిణాఫ్రికా మ్యాచ్ చూసేందుకు దేశ ప్రజలు టీవీలకు అతుక్కుపోయారు. 11 సంవత్సరాల పాటు ఐసిసి ట్రోఫీని గెలవని భారత్.. ప్రపంచ కప్ గెలుస్తుందనే ఆసక్తితో ఈ మ్యాచ్‌ను 5.3 కోట్ల మంది వీక్షించారు. ఓటీటీని ప్రవేశపెట్టినప్పటి నుండి వీక్షకుల సంఖ్య గేమ్ చరిత్రలో అత్యధికంగా ఉంది. ఉత్కంఠ భరితమైన పోటీ వీక్షకులను కట్టిపడేసింది. ఎందుకంటే రెండు జట్ల ప్రదర్శనలను చూస్తుంటే మ్యాచ్ ఎలాగైనా సాగవచ్చు.
ఈ మైలురాయిపై డిస్నీ+ హాట్‌స్టార్ ఇండియా హెడ్ సజిత్ శివానందన్ మాట్లాడుతూ.. ఐసీసీ పురుషుల T20 ప్రపంచ కప్ 2024 సందర్భంగా అత్యుత్తమ ప్రదర్శన చేసినందుకు రెండు జట్లకు అభినందనలు. టీమ్ ఇండియా వారి అద్భుతమైన నైపుణ్యం, అంకితభావంతో మిలియన్ల మందికి ఆనందం అందించింది. ఆ క్షణాలను వారి ఇళ్లకు అందించినందుకు మేము గర్విస్తున్నాము. " అని పేర్కొన్నారు.
టీ20 వరల్డ్ కప్ భారత్ కైవసం కావడంతో రోహిత్ శర్మ తన ఫ్యాన్స్ కోసం మనసుకు హత్తుకునే పోస్టు నెట్టింట పంచుకున్నాడు. తన సంతోషాన్ని వ్యక్తీకరించేందుకు మాటలు చాలట్లేదు. ఈ విజయం తనకు ఎంత ముఖ్యమో వర్ణించడం కష్టం. ఇప్పుడు కోట్లాది మంది ప్రజల కల నిజమైనందుకు ఆనందంలో మునిగితేలుతున్నానని రోహిత్ శర్మ పోస్టు చేశాడు. కప్ గెలిచిన అనంతరం, రోహిత్ శర్మ అంతర్జాతీయ టీ20 నుంచి రిటైర్మెంట్ ప్రకటించాడు.
