నా భర్త ఓ మోసకారి... న్యాయం కోసం మద్దతివ్వండి : హసీన్ జహాన్

భారత క్రికెట్ జట్టు పేసర్ మహ్మద్ షమీ సతీమణి హసీన్ జహాన్ ఈ దఫా ఏకంగా వెస్ట్ బెంగాల్ ముఖ్యమంత్రి మమతా బెనర్జీకి ఓ విజ్ఞప్తి చేసింది. తన భర్త ఓ మోసకారి అని.. న్యాయం కోసం తాను చేసే పోరాటంలో తనకు మద్దతు ఇవ

భారత క్రికెట్ జట్టు పేసర్ మహ్మద్ షమీ సతీమణి హసీన్ జహాన్ ఈ దఫా ఏకంగా వెస్ట్ బెంగాల్ ముఖ్యమంత్రి మమతా బెనర్జీకి ఓ విజ్ఞప్తి చేసింది. తన భర్త ఓ మోసకారి అని.. న్యాయం కోసం తాను చేసే పోరాటంలో తనకు మద్దతు ఇవ్వాలని ఆమె ప్రాధేయపడ్డారు. 

ఇదే అంశంపై ఆమె మాట్లాడుతూ, తాను చెప్పే బాధను వినాలని, అందుకోసం తనకు కొంత సమయం ఇవ్వాలని మమతా బెనర్జీని అభ్యర్థించారు. తాను చాలా చిత్రహింసలు అనుభవించానని, తన బాధను పంచుకునేందుకు తనకు సమయం ఇవ్వాలని సీఎంను కోరారు. 

'సీఎం మమతా బెనర్జీ గారికి ఈరోజు నేను రెండు చేతులు జోడించి వేడుకుంటున్నా. మేడమ్, నా పోరాటంలో న్యాయం ఉంది. నా తప్పు లేకుండానే చిత్రహింసలు అనుభవించా. నేను మీ మద్దతు అడగడం లేదు. న్యాయం కోసం నేను చేస్తున్న పోరాటంపై దృష్టి సారించాలని మాత్రమే కోరుతున్నా. మిమ్మల్ని కలవడానికి సమయం ఇవ్వండి. నేను చెప్పేది వినండి. ఆ తర్వాత ఎటువంటి నిర్ణయం తీసుకున్నా మీ ఇష్టం. నేను చేస్తున్న అభ్యర్థన ఇదొక్కటే' అంటూ ఆమె ప్రాధేయపడింది. 

కాగా, హసీన్ ఆరోపణలపై కేసు నమోదు చేసిన కోల్‌కతా పోలీసులు ఇప్పటికే దర్యాప్తు ప్రారంభించగా, తాజాగా బీసీసీఐ అవినీతి నిరోధక విభాగం కూడా దర్యాప్తు చేపట్టిన విషయం తెల్సిందే.