ఇంగ్లండ్ క్రికెట్‌లో విషాదం చోటుచేసుకుంది. ఆ దేశ క్రికెటర్ ఒకరు 20 యేళ్ళకే కన్నుమూశారు. ఆ క్రికెటర్ పేరు జోష్ బేకర్. వయసు 20. ఈ విషయాన్ని అతను ప్రాతినిథ్యం వహిస్తున్న కౌంటీ జట్టు వోర్స్‌స్టర్‌షైర్ సోషల్ మీడియా వేదికగా వెల్లడించింది.
2021లో 17 యేళ్ల వయసులో క్రికెట ప్రారంభించి బేకర్... ఫస్ట్ క్లాస్ క్రికెట్‌లోకి అడుగుపెట్టారు. తన ఫస్ట్ క్లాస్ కెరీర్‌లో 22 మ్యాచ్‌లు ఆడిన ఈ లెఫ్ట్ ఆర్మ్ స్పిన్నర్ 43 వికెట్లు తీశాడు.
బుధవారం వోర్స్‌స్టర్‌షైర్ తరపున బరిలోకి దిగి మూడు వికెట్లు తీసిన బేకర్.. ఆకస్మికంగా కుప్పకూలి ప్రాణాలు విడిచాడు. అయితే, అతని మరణానికి గల కారణాన్ని మాత్రం వోర్స్‌స్టర్‌షైర్ జట్టు వెల్లడించలేదు. ఇక వోర్స్‌స్టర్‌షైర్ చీఫ్ ఎగ్జిక్యూటివ్ యాష్లే గైల్స్ ఈ సందర్భంగా ఒక ప్రకటన విడుదల చేశారు. జోష్ తమకు సహచరుడి కంటే ఎక్కువ.
అతను మా క్రికెట్ కుటుంబంలో అంతర్భాగం. మేం అందరం అతనిని చాలా మిస్ అవుతున్నాం. జోష్ కుటుంబ సభ్యులకు, స్నేహితులకు మా ప్రేమ, ప్రార్థనలను అందజేస్తున్నాం అని ఓ ప్రకటనలో పేర్కొన్నారు.
