Publish Date: Sun, 12 May 2024 (19:17 IST)
Updated Date: Sun, 12 May 2024 (20:18 IST)
ప్లే ఆఫ్ రేసులో నిలవాలంటే గెలిచి తీరాల్సిన మ్యాచ్లోనూ చెన్నై సూపర్ కింగ్స్ జట్టు విజయభేరీ మోగించింది. ఆదివారం సాయంత్రం సొంత మైదానంలో జరిగిన మ్యాచ్లో రాజస్థాన్ రాయల్స్ జట్టుపై సీఎస్కే జట్టు గెలుపొందింది. ఈ మ్యాచ్లో ఆర్ఆర్ జట్టు నిర్ధేశించిన 141 పరుగుల వియలక్ష్యాన్ని ఐదు వికెట్ల తేడాతో గెలుపొందింది.
ఈ మ్యాచ్లో తొలుత టాస్ గెలిచి బ్యాటింగ్ ఎంచుకున్న సీఎస్కే జట్టు 20 ఓవర్లలో 5 వికెట్ల నష్టానికి 141 పరుగులు చేసింది. యశస్వి జైస్వాల్, జోస్ బట్లర్, సంజు శాంసన్ వంటి ఆటగాళ్లు ఉన్నప్పటికీ ఆర్ఆర్ జట్టు భారీ స్కోరు చేయలేకపోయింది.
జైస్వాల్ 24, బట్లర్ 21, శాంసన్ 15 చొప్పున పగులు చేశారు. ఈ మూడు వికెట్లను సిమర్జీత్ సింగ్ ఖాతాలో చేరాయి. రియాన్ పరాగ్ 47 పరుగులు చేయగా, ధృవ్ జురెల్ 28 పరుగులు చేశాడు. చెన్నై బౌలర్లలో సిమర్జిత్ సింగ్ 3, తుషార్ 2 చొప్పున వికెట్లు తీశారు. సీఎస్కే బౌలర్లు పక్కా ప్లాన్తో బంతులు వేయడంతో ఆర్ఆర్ జట్టు బ్యాటర్లు పరుగులు చేసేందుకు ఆపసోపాలు పడ్డారు.
ఆ తర్వాత 142 పరుగుల విజయ లక్ష్యంతో బరిలోకి దిగిన సీఎస్కే జట్టు... 18.2 ఓవర్లలో ఐదు వికెట్ల నష్టానికి 145 పరుగులు చేసింది. ఈ జట్టులో రవీంద్ర 27, గైక్వాడ్ 42 (నాటౌట్), మిచెల్ 22, అలీ 10, శివం దుబే 18, రవీంద్ర జడేజా 5, రిజ్వి 15(నాటౌట్) చొప్పున పరుగులు చేశారు. ఆర్ఆర్ బౌలర్లలో అశ్విన్ 2 వికెట్లు తీయగా, బర్గర్, చావల్లు ఒక్కో వికెట్ తీశారు.
