చైనాలో వేగంగా వ్యాపిస్తున్న హెచ్‌9ఎన్‌2 వైరస్ వ్యాప్తితో కేంద్ర ఆరోగ్య శాఖ అప్రమత్తం అయ్యింది. అయితే చిన్న పిల్లల్లో కనిపిస్తున్న శ్వాసకోశ సమస్యల వల్ల మన దేశంలో పిల్లలకి ఎలాంటి ఇబ్బందీ ఉండదని కేంద్ర ఆరోగ్య కుటుంబ సంక్షేమ శాఖ ప్రకటించింది.
అయితే చైనాలో వ్యాపిస్తున్న ఏవియన్ ఇన్‌ఫ్లూయెంజా, శ్వాసకోశ వ్యాధుల వల్ల భారత్ అతి తక్కువ ప్రమాదం మాత్రమే ఉంటుందని ఆరోగ్య శాఖ అంచనా వేసింది. ఎలాంటి అత్యవసర పరిస్థితినైనా ఎదుర్కొనేందుకు దేశం సిద్ధంగా ఉందని ఆరోగ్య మంత్రిత్వ శాఖ తెలిపింది.
కోవిడ్-19 తర్వాత చైనా మరో ఆరోగ్య అత్యవసర పరిస్థితిని ఎదుర్కొంటోంది. అంతుచిక్కని న్యుమోనియా కేసులతో ఆసుపత్రులు జబ్బుపడిన పిల్లలతో నిండిపోయాయి. దీనితో ప్రపంచ ఆరోగ్య నిపుణుల్లో ఆందోళన నెలకొంది.
