తెలంగాణ పబ్లిక్ సర్వీస్ కమిషన్ గ్రూపు-1 ప్రిలిమ్స్ పరీక్షా 2022లకు సంబంధించిన అడ్మిట్ కార్డులు (హాల్ టిక్కెట్స్)ను తాజాగా విడుదల చేసింది. గ్రూపు-1 పోస్టుల కోసం దరఖాస్తు చేసుకున్న అభ్యర్థులు tspsc.gov.in లేదా https://scroll.in/announcements/1023063/tspsc-group-1-recruitment-2022-application-opens-today-for-503-posts అనే లింకు నుంచి డౌన్‌లోడ్ చేసుకోవచ్చు. టీఎస్పీఎస్సీ అధికారిక వెబ్‌సైట్‌ నుంచి ఈ హాల్‌టిక్కెట్లు డౌన్‌లోడ్ చేసుకోవచ్చని తెలిపింది.
కాగా, ఈ నోటిఫికేషన్ ప్రకారం మొత్తం 503 గ్రూప్-1 పోస్టుల భర్తీ చేయనున్నారు. ఇందుకోసం దాదాపు 3,80,202 మంది అభ్యర్థులు దరఖాస్తు చేసుకున్నారు. అంటే ఒక్కో పోస్ట్‌కు ఏకంగా 756 మంది పోటీపడుతున్నారన్నమాట.
ఇంతటి పోటీ నెలకొన్న సందర్భంగా టీఎస్పీఎస్సీ గ్రూప్ 1 ప్రిలిమినరీ పరీక్షలను చాలా పకట్బందిగా నిర్వహించనుంది. అక్టోబర్‌ 16న నిర్వహించనున్న ప్రిలిమ్స్ పరీక్ష నిర్వహణకు టీఎస్పీఎస్సీ ఇప్పటికే అన్ని ఏర్పాట్లు పూర్తి చేసింది. ప్రిలిమ్స్ పరీక్ష ముగిసిన తర్వాత జనవరి లేదా ఫిబ్రవరిలో మెయిన్స్‌ పరీక్ష నిర్వహించే అవకాశం ఉంది.
