తెలంగాణ రాష్ట్రంలో ఎంసెట్ పరీక్షా ఫలితాలను వెల్లడించేందుకు అధికారులు సిద్ధమయ్యారు. ఇందుకోసం ఈ నెల 25వ తేదీ బుధవారం రోజు ఈ ఫలితాలను వెల్లడించేందుకు ఆ రాష్ట్ర ఉన్నత విద్యా మండలి ఏర్పాట్లు చేస్తుంది.
అలాగే, సెప్టెంబరు 1 లేదా 2న ఎంసెట్ అగ్రికల్చర్ ఫలితాలను విడుదల చేసేందుకు అధికారులు ఏర్పాట్లు చేస్తున్నారు. కాగా, ఈ నెల 4, 5, 6 తేదీల్లో ఎంసెట్ ఇంజనీరింగ్, 9, 10 తేదీల్లో అగ్రికల్చర్, మెడికల్ ఎగ్జామ్‌ను నిర్వహించిన విషయం తెలిసిందే.
ఈ ఫలితాల అనంతరం వ్యవసాయ, ఫార్మా(మెడికల్) ఫలితాలను విడుదల చేయనున్నట్లు అధికారులు చెబుతున్నారు. ఫలితాలు విడుదలైన ఐదు రోజుల తర్వాత అంటే ఆగస్టు 30 నుంచి మొదటి విడత కౌన్సెలింగ్‌ను ప్రారంభించనున్నారు.
