పెరట్లో దొరికే బాగా ముదిరిన జామ ఆకుల్ని తీసుకుని వేడినీటిలో కాసేపు మరగ బెట్టాలి. నీరు కొంచెం ఆవిరయ్యాక.. ముదురు ఎరుపు రంగులోకి చేరుకున్నాక దించేయాలి.
కాసేపు చల్లారిన తర్వాత గోరు వెచ్చని ఆ నీటితో మెత్తని దూదిని ముంచి ముఖం మీద అద్దుకోవాలి. మొటిమలు పుండుగా మారితే ఆ ప్రాంతాన్ని వదిలేయడం మంచిది. మిగిలిన చోట అద్దాలి. కళ్ల కింది నల్లచారలు ఉన్నచోట వారానికి రెండుసార్లు ఇలా చేస్తే సమస్య తగ్గిపోతుంది.
ఇన్ఫెక్షన్ల వల్ల ముఖం మీద ఎరుపు కురుపులొచ్చినా వాటి మీద ఈ జామ ఆకుల నీటిని అద్దితే అక్కడున్న బ్యాక్టీరియా చనిపోతుంది. ముఖం మీద ఏర్పడిన మృతకణాల తొలగింపునకు కూడా ఇదొక చక్కటి పరిష్కారం. మెడచుట్టూ చర్మం నలుపెక్కినా అక్కడ కూడా ఈ నీటిని దూదితో అప్లై చేసుకోవచ్చు.
