Publish Date: Mon, 25 Feb 2019 (12:52 IST)
Updated Date: Mon, 25 Feb 2019 (12:53 IST)
ఉల్లిపాయ లేని వంటకం అంటూ ఉండదు. ఉల్లిపాయ సౌందర్య సాధణకు ఎంతగానో దోహదపడుతుంది. చర్మ సంరక్షణకు అవసరమైన పోషకాలు ఉల్లిలో చాలా ఉన్నాయి. కాబట్టి ఉల్లిని ఉపయోగించి సౌందర్యాన్ని ఎలా కాపాడుకోవాలో తెలుసుకుందాం...
1. ఉల్లిరసం దోమ, పురుగు కాట్లుకు చాలా సహాయపడుతుంది. దోమ కాటుకు, పురుగు కాటుకు కందిన ప్రదేశంలో ఉల్లి రసాన్ని రాసుకోవాలి. ఇలా రోజూ చేస్తుంటే నొప్పి నుండి విముక్తి లభిస్తుంది.
2. బ్లాక్ పిగ్మెంటేషన్ వలన ముఖం నల్లంగా మారి పొడిబారుతుంటుంది. అలాంటప్పుడు ఉల్లిరసంలో సెనగపిండి, మీగడ కలిపి ముఖం మీద అప్లై చేసుకోవాలి. ఈ ప్యాక్ను 10 నిమిషాల తరువాత చల్లని నీటితో కడిగేయాలి. ఇలా వారానికి ఒకసారి చొప్పున నాలుగు వారాలు చేస్తే ముఖచర్మం తెల్లగా మారుతుంది.
3. చర్మం నిర్జీవంగా తయారైతే ఉల్లిరసాన్ని ముఖానికి రాసుకోవాలి. ఓ 20 నిమిషాల తరువాత కడిగేసుకోవాలి. ఉల్లిలోని యాంటీ ఆక్సిడెంట్స్, విటమిన్స్ చర్మానికి సరిపడా పోషణను అందిస్తాయి. కనుక క్రమంగా ఉల్లిరసాన్ని ముఖానికి రాసుకోండి.. మంచి ఫలితం ఉంటుంది.
