శ్రీ శోభకృత్ నామ సం|| చైత్ర ఐ|| పంచమి ఉ.5.42 షష్ఠి తె.4.24 పూర్వాషాఢ రా.2.24 ప. వ. 12.15 ల 1.49. ప. దు. 12.27 ల 1.16 పు.దు.2.53ల3.42.
మేషం :- వృత్తి ఉద్యోగాల్లో ఆశించిన మార్పులుంటాయి. గృహోపకరణాలు, వాహనం సమకూర్చుకుంటారు. పాత మిత్రుల కలయికతో మీలో కొంత మార్పు వస్తుంది. కొత్త నిర్ణయాలు తీసుకుంటారు. దైవ, సేవా, పుణ్యకార్యాల్లో చురుకుగా వ్యవహరిస్తారు. ఆస్తి వ్యవహరాల్లో కుటుంబీకులతో ఏకాభిప్రాయంకుదరదు.
వృషభం :- దూరంగా ఉన్న ఆత్మీయులను కలుసుకోవాలనే కోరిక స్ఫురిస్తుంది. సోదరులతో ఆస్తివిషయమై సంప్రదింపులు జరుపుతారు. నిత్యావసర వస్తు స్టాకిస్టులకు, వ్యాపారులకు అనుకూలం. ఒక కార్యం నిమిత్తం దూరప్రయాణం చేయవలసి వస్తుంది. మీ సంతానం విద్యా, వివాహ విషయాల పట్ల ప్రత్యేక శ్రద్ధ కనబరుస్తారు.
మిథునం :- భాగస్వామిక చర్చల్లోమీదే పైచేయిగా ఉంటుంది. కవి పండితులకు, ప్రముఖులకు ఆదరణ లభిస్తుంది. కోర్టు వ్యవహరాలు వాయిదా పడతాయి. రియల్ ఎస్టేట్ రంగాల వారికి నూతన వెంచర్లలో ప్రతికూలత లెదుర్కోవలసి వస్తుంది. పెద్దల గురించి అప్రియమైన వార్తలు అందుతాయి. ప్రయాణాల్లో మెలకువ వహించండి.
కర్కాటకం :- వృత్తులు, క్యాటరింగ్ పనివారలకు చికాకులు అధికం. రాజకీయనాయలు సభలు, సమావేశాల్లో పాల్గొంటారు. ఉద్యోగస్తులు ఆశిస్తున్న ప్రమోషన్ త్వరలోనే అందుతుంది. ప్రయాణాలు, తీర్థయాత్రలు అనుకూలిస్తాయి. నిరుద్యోగ యత్నాలు ఫలిస్తాయి. గతంలో ఒకరికి హామీ ఉండటం వల్ల ఇబ్బందులెదురవుతాయి.
సింహం :- స్థిరచరాస్తుల క్రయ విక్రయాలకు సంబంధించి కొన్ని అడ్డంకులు ఎదుర్కుంటారు. అప్రయత్నంగా కొన్ని వ్యవహరాలు అనుకూలిస్తాయి. రావలసిన ధనం చేతికందుతుంది. ఇతరులకు అతిచనువు ఇవ్వటం మంచిది కాదని గమనించండి. స్త్రీలకు బంధువర్గాల నుంచి ఒక ముఖ్యసమాచారం అందుతుంది.
కన్య :- ప్రైవేటు సంస్థలలోని వారికి ఓర్పు, అంకితభావం ఎంతో ముఖ్యం. వృత్తుల వారికి శ్రమకు తగిన ఆదాయం లభిస్తుంది. ఎలక్ట్రికల్, ఎలక్ట్రానికల్, కంప్యూటర్ రంగాల వారికి సదావకాశాలు లభిస్తాయి. రుణం ఏ కొంతైనా తీర్చాలన్న మీ సంకల్పం నెరవేరుతుంది. ప్రేమికులకు ఎడబాటు, చికాకులు ఎదుర్కొంటారు.
తుల :- మిత్రులకిచ్చిన మాట నిలబెట్టుకోవటం కోసం శ్రమాధిక్యత, ప్రయాసలు ఎదుర్కుంటారు. ఉద్యోగస్తులకు రావలసిన క్లైములు, అలవెన్సులు మంజూరవుతాయి. మీ ఏమరుపాటుతనం వల్ల విలువైన వస్తువులు చేజారిపోయే ఆస్కారం ఉంది. స్త్రీలకు ఆరోగ్యం విషయంలో తగు జాగ్రత్తలు అవసరం. ఆలయాలను సందర్శిస్తారు.
వృశ్చికం :- ఏదైనా స్థిరాస్తి అమర్చుకోవాలనే ఆలోచన స్ఫురిస్తుంది. కుటుంబ సౌఖ్యం, వాహనయోగం పొందుతారు. నిరుద్యోగులకు ఇంటర్వ్యూల్లో ఏకాగ్రత ముఖ్యం. స్త్రీలకు పరిచయాలు, వ్యాపకాలు అధికమవుతాయి. చిన్న చిన్న సమస్యలెదురైనా పరిష్కరించుకుంటారు. బంధుమిత్రుల రాకతో గృహంలో సందడి నెలకొంటుంది.
ధనస్సు :- వస్త్ర, బంగారం, వెండి, ఫ్యాన్సీ వ్యాపారులకు సంతృప్తి, పురోభివృద్ధి. ఆదాయ వ్యయాల విషయంలో ప్రణాళికాబద్ధంగా వ్యవహరిస్తారు. ఉద్యోగస్తులకు అప్పగించిన బాధ్యతలు సమర్థంగా నిర్వహిస్తారు. ప్రైవేటు సంస్థలలోనివారికి తోటివారి వల్ల మాటపడక తప్పదు. స్త్రీలకు ఆరోగ్య విషయంలో తగు జాగ్రత్తలు అవసరం.
మకరం :- ఉద్యోగస్తులకు అప్పగించిన బాధ్యతలు సమర్థంగా నిర్వహిస్తారు. నూతన కాంట్రాక్టులకు సంబంధించి ఒక నిర్ణయానికి వస్తారు. కొబ్బరి, పండ్ల, పూల, పానీయ వ్యాపారులకు ఆశాజనకం. ఆస్తివ్యవహరాల్లో సోదరులతో అవగాహన ఏర్పడుతుంది. ప్రముఖుల సహకారంతో ఒక వ్యవహారం మీకు అనుకూలిస్తుంది.
కుంభం :- వాతావరణంలో వచ్చి మార్పు, శారీరక శ్రమ వల్ల మీ ఆరోగ్యం మందగిస్తుంది. ఆకస్మికంగా బిల్లులు చెల్లిస్తారు. గృహ నిర్మాణాలు, మరమ్మతులు మందకొడిగా సాగుతాయి. విదేశీయాన యత్నాల్లో ఆటంకాలు తప్పవు. ఒక వ్యవహారంలో సాహసోపేతమైన నిర్ణయం తీసుకుంటారు. ప్రయాణాలల్లో స్వల్ప చికాకులు తప్పవు.
మీనం :- ఆర్థికస్థితి మునుపటి కంటే కొంత మెరుగ్గా ఉంటుంది. నూతన పెట్టుబడులు పెట్టునపుడు పునరాలోచన చాలా అవసరం. చేపట్టిన పనులు సంతృప్తికరంగా పూర్తి చేస్తారు. పెద్దల ఆరోగ్యం గురించి ఆందోళన చెందుతారు. బంధువులను కలుసుకుంటారు. చిన్న చిన్న సమస్యలెదురైనా పరిష్కరించుకుంటారు.
