వైకాపా రాజ్యసభ సభ్యుడు అయోధ్య రామిరెడ్డి తన రాజీనామాపై క్లారిటీ ఇచ్చారు. రాజ్యసభ సభ్వత్వానికి, వైకాపాకు రాజీనామా చేయనున్నట్టు జరుగుతున్న ప్రచారంపై ఆయన స్పందించారు. సోషల్ మీడియాలో వస్తున్న ప్రచారంలో ఏమాత్రం నిజం లేదని, అదంతా ఫేక్ అంటూ ఒక్క ముక్కలో తేల్చిపడేశారు. దీనికి సంబంధించిన వీడియో ట్విట్టర్‌లో ట్రెండ్ అవుతుంది.
తాజాగా వైకాపా ప్రధాన కార్యదర్శి, రాజ్యసభ సభ్యుడు విజయసాయిరెడ్డి రాజ్యసభ సభ్యత్వానికి, వైకాపా ప్రాథమిక సభ్యత్వానికి రాజీనామా చేసిన విషయం తెల్సిందే. ఇకపై తాను ఏ రాజకీయ పార్టీల్లో చేరడం లేదని, వ్యవసాయం చేసుకుంటూ జీవితాన్ని గడపనున్నట్టు ప్రకటించారు. అదేసమయంలో మరో రాజ్యసభ సభ్యుడు అయోధ్య రామిరెడ్డి కూడా రాజీనామా చేయనున్నట్టు జోరుగా ప్రచారం జరిగింది.
దీనిపై అయోధ్య రామిరెడ్డి మంగళవారం క్లారిటీ ఇచ్చారు. హైదరాబాద్ నుంచి ఇండిగో విమానంలో గన్నవరం విమానాశ్రయం చేరుకున్న ఆయన సోషల్ మీడియాలో వైరల్ అవుతున్న వార్తకు క్లారిటీ ఇచ్చారు. రాజ్యసభ సభ్యత్వానికి వైసీపీ పార్టీకి రాజీనామా చేస్తున్నారా అన్న ప్రశ్నకి అదంతా ఫేక్ అంటూ సమాధానమిస్తూ కారెక్కి వెళ్లిపోయారు.
