తెలుగుదేశం పార్టీ వచ్చే అసెంబ్లీ ఎన్నికల నాటికి నామరూపాలు లేకుండా పోతుందని వైసిపి ఎమ్మెల్యే అంబటి రాంబాబు జోస్యం చెప్పారు. పంచాయతీ ఎన్నికల్లో సైకిల్ గుర్తు ఎటు పోయిందో తెలియలేదన్నారు. జగన్ గారి పట్ల వున్న నమ్మకంతో రాష్ట్ర ప్రజలు ఏ ఎన్నిక వచ్చినా తమ పార్టీకి భారీ మెజారిటీని కట్టబెడుతున్నారన్నారు.
పంచాయతీ ఎన్నికల ఫలితాలు మాదిరిగానే మున్సిపల్ ఎన్నికల ఫలితాలు కూడా వస్తాయన్నారు. సత్తెనపల్లిలో పది స్థానాలకు ఆ పార్టీ అభ్యర్థుల కోసం తీవ్రంగా ప్రయత్నించినా అభ్యర్థులే దొరకలేదని ఎద్దేవా చేశారు.
వచ్చే అసెంబ్లీ ఎన్నికల నాటికి తెదేపా కనుమరుగైపోతుందనీ, ఆ పార్టీ నుంచి పోటీ చేసి ఓడిపోవడం కంటే పోటీ చేయకుండా వుండటమే మంచిదని చాలామంది తప్పుకుంటారని జోస్యం చెప్పారు. మరి అంబటి రాంబాబు చెప్పినట్లే తెదేపా పరిస్థితి వుంటే ఇక ఆ పార్టీ పరిస్థితి ఏమిటో?
