గుంటూరు జిల్లాలో శాఖల వారీ వివిధ హోదాల్లో పనిచేస్తూ ఇప్పటివరకు కోవిడ్ వ్యాక్సినేషన్ తీసుకోని ఉద్యోగుల జాబితాలను సిద్ధంచేసి నివేదికను పంపిచాలని జిల్లా, డివిజన్, మున్సిపల్, మండల స్థాయి అధికారులను కలెక్టరు ఏఎండి ఇంతియాజ్ ఒక ప్రకటనలో ఆదివారం తెలియజేశారు.
జిల్లాలో ఇప్పటికే రాష్ట్ర ప్రభుత్వ ఆదేశాలు మేరకు జిల్లా యంత్రాంగం కోవిడ్ నియంత్రణపై 45 ఏళ్లు పైబడిన వారికి వ్యాక్సినేషన్ అందించేందుకు పెద్దఎత్తున టీకా డ్రైవ్ కార్యక్రమాన్ని చేపట్టిందన్నారు. ప్రతి ఒక్కరూ వ్యాక్సిన్ తీసుకోవడం వలన ఒకరి నుంచి మరోకరికి కోవిడ్ వ్యాప్తి చెందకుండా విచ్ఛిన్నం చేసేందుకు కీలకమవుతుందని కలెక్టరు అన్నారు.
కావున జిల్లా అధికారులు, డివిజన్ స్థాయి అధికారులు సబ్ కలెక్టర్లు, ఆర్డీవోలు, మున్సిపల్ కమీషనర్లు, మండల స్థాయిలో తాహశీల్థార్లు, యంపీడీవోలు కార్యాలయాల్లో పనిచేస్తూ ఇప్పటివరకు వ్యాక్సిన్ తీసుకోని వారి జాబితాలను సిద్ధం చేయాలని ఆదేశించారు.
పేరు, హోదా, ప్రస్తుతం పనిచేస్తున్న ప్రదేశం, వయస్సు, ఆధార్ నెంబరు, సెల్ నెంబరుతో సహా నిర్ణీత ఫ్రోఫార్మాలో రూపొందించిన జాబితాలను తదుపరి చర్య నిమిత్తం జిల్లా వైద్య ఆరోగ్య శాఖ అధికారికి పంపించాలని కలెక్టరు ఆ ప్రకటనలో తెలిపారు.
