కరోనా వైరస్ దెబ్బకు ప్రతి ఒక్కరూ వణికిపోతున్నారు. ముఖ్యంగా, ఈ వైరస్ బారినపడకుండా ఉండాలంటే సామాజికి భౌతికదూరం పాటించాలంటూ నిపుణులు విజ్ఞప్తి చేస్తున్నారు. కానీ, చాలామంది వీరి విజ్ఞప్తులను ఏమాత్రం పట్టించుకోవడం లేదు. ముఖ్యంగా, ఆదివారాలు అయితే.... ప్రతి ఊర్లోనూ మాంసం కోసం జనాలు ఎగబడుతున్నారు. వారిలో ఏ ఒక్కరికైనా కరోనా వైరస్ ఉంటే... ఇక మిగిలినవారికి వ్యాపించే అవకాశాలు చాలా ఎక్కువ. ఇపుడు విశాఖపట్టణంలో ఇలాంటి సంఘటన ఒకటి జరిగింది.
విశాఖపట్టణంలోని గాజువాక సెంటర్‌లో ఓ వ్యక్తి చికెన్ దుకారణం నడుపుతున్నాడు. వాస్తవానికి ఈయనలో కరోనా వైరస్ లక్షణాలు కనిపించడంలో వైద్యాధికారులు గుర్తించి, హోం క్వారంటైన్‌లో ఉండాల్సిందిగా ఆదేశాలు జారీ చేశారు. కానీ, ఈ వ్యాపారి అవేమీ పట్టించుకోకుండా చికెన్ షాపును తెరిచాడు. ఈ విషయం తెలియని స్థానికులు ఈ దుకాణంలో మాసం కొనుగోలు చేశారు. ఇలా కొనుగోలు చేసిన వారిలో కొందరికి వైరస్ లక్షణాలు కనిపించాయి.
ఈ విషయం విశాఖ అధికారులు దృష్టికి వెళ్లడంతో వారు రంగంలోకి దిగి ఆరా తీయగా అసలు విషయం వెలుగులోకి వచ్చింది. దీంతో చికెన్ దుకాణం వ్యాపారిని అదుపులోకి తీసుకోవడమే కాకుండా, ఈ వైరస్ లక్షణాలు కనిపించే పలువురి వద్ద శాంపిల్స్ సేకరించారు. ఇలాంటివారిని హోంక్వారంటైన్‌కు ఆదేశించారు. అయితే, స్థానికులు మాత్రం ఎలాంటి ఆందోళన చెందవద్దని జిల్లా కలెక్టర్ విజ్ఞప్తి చేశారు.
