ఇంగ్లండ్‌తో అహ్మదాబాద్‌లో జరగనున్న నాలుగో టెస్ట్‌ నుంచి టీమీడింయా ఫాస్ట్‌ బౌలర్‌ జస్‌ప్రీత్‌ బుమ్రా వైదొలగాడు. ఇందుకు ఆయన పెళ్లి చేసుకోబోతున్నాడన్నదే అసలైన కారణమని వార్తలు వచ్చాయి. అంతటితో ఆగకుండా ప్రేమమ్ హీరోయిన్ అనుపమ పరమేశ్వరన్‌తో బుమ్రా పెళ్లి జరుగనుందని సోషల్ మీడియాలో జోరుగా ప్రచారం సాగుతోంది. అయితే దీనిపై ఎలాంటి అధికారిక ప్రకటన రాలేదు.
గత కొద్ది రోజులుగా వీరిద్దరి మధ్య ఏదో ఉందంటూ ప్రచారం జరుగుతున్న సంగతి తెలిసిందే. అయితే ఈ సారి ఏకంగా ఈ జంట పెళ్లి చేసుకోబోతుందనే వార్త ప్రచారం అవుతోంది. మరోవైపు, అనుపమ రాజ్ కోట్ వెళ్లినట్లు తెలుస్తోంది. పెళ్లి కోసమే అక్కడికి వెళ్లిందన్న వార్తలు విన్పిస్తున్నాయి.
ఇక బుమ్రా కూడా వివాహ వేడుకకు ఏర్పాట్లు చేసుకునే క్రమంలోనే సెలవులు తీసుకున్నాడని.. గుజరాత్‌ వెళ్లాడని బీసీసీఐ వర్గాలు తెలిపాయి. అంతేకాకుండా బుమ్రా.. ఇన్‌స్టాగ్రామ్‌లో ఫాలో అవుతున్న ఒకే ఒక్క హీరోయిన్ అనుపమ పరమేశ్వరన్.
అలానే క్రికెటర్ జస్ప్రిత్ బుమ్రా అంటే తనకెంతో ఇష్టమని అనుపమ పరమేశ్వరన్ గతంలో బహిరంగంగానే ప్రకటించింది. అయితే ఇప్పటి వరకు వీరిద్దరూ బయట కలుసుకున్నట్లు కానీ.. కలిసి ఫోటోలు దిగినట్లు కానీ ఎక్కడా కనిపించలేదు. మరి పెళ్లి వార్తలపై ఇరు కుటుంబాలకు చెందిన వారు క్లారిటీ ఇస్తారా.. లేకుంటే బుమ్రా, అనుపమ స్పష్టత ఇస్తారా అనేది తెలియాల్సి వుంది.
