మెగా పవర్ స్టార్ రామ్ చరణ్ నటించిన భారీ అంచనాల చిత్రం "గేమ్ ఛేంజర్" టీజర్ రిలీజైంది. ఈ చిత్ర దర్శకుడు శంకర్ ప్రస్తుతం ట్రెండింగ్‌లో ఉన్నాడు. శంకర్ ఈ సినిమాతో తెలుగులోకి నేరుగా అరంగేట్రం చేస్తుండగా, ఆయన కూతురు అదితి శంకర్ కూడా తెలుగు సినీ పరిశ్రమలోకి అడుగుపెట్టనుంది.
తమిళంలో విజయవంతమైన ‘గరుడన్‌’కి రీమేక్‌గా వస్తున్న ‘భైరవం’ చిత్రంలో అదితి నటిస్తోంది. ఈ చిత్రంలో బెల్లంకొండ సాయి శ్రీనివాస్, మంచు మనోజ్, నారా రోహిత్ కీలక పాత్రల్లో నటిస్తున్నారు. "నంది" ఫేమ్ విజయ్ కనకమేడల దర్శకత్వంలో శ్రీ సత్యసాయి ఆర్ట్స్ బ్యానర్‌పై కెకె రాధామోహన్ నిర్మిస్తున్న చిత్రం ‘భైరవం’.
"అల్లరి పిల్ల" అనే ట్యాగ్‌లైన్‌తో ఆమె పాత్రను వెన్నెలగా పరిచయం చేస్తూ, ఈ చిత్రం నుండి అదితి శంకర్ ఫస్ట్‌లుక్‌ను మేకర్స్ ఇటీవల విడుదల చేశారు. పోస్టర్‌లో, పల్లెటూరి అమ్మాయిగా కనిపిస్తోంది. ఈ చిత్రంలో హీరో బెల్లంకొండ సాయి శ్రీనివాస్ సరసన అదితి జతకట్టనున్నట్లు సమాచారం.
