గతకొంత కాలంగా టీవీల్లో, యూట్యూబ్‌లలో లక్ష్మీస్ ఎన్టీఆర్ చిత్రానికి సంబంధించిన వార్తలు వైరల్‌గా మారాయి. చిత్ర విడుదలకు అటు సెన్సార్ బోర్డు నుండి, అలాగే ఎన్నికల సంఘం నుండి గ్రీన్ సిగ్నెల్ రావడంతో దర్శకుడు రామ్ గోపాల్ వర్మ చిత్రాన్ని మరింత జోరుగా ప్రచారం చేస్తున్నాడు. సినిమా మీద ఇప్పటికే భారీ అంచనాలు నెలకొని ఉండడంతో ఓపెనింగ్ కలెక్షన్ బాగా ఉంటాయని చిత్ర యూనిట్ భావిస్తోంది.
లక్ష్మీస్ ఎన్టీఆర్ చిత్రం ఈ శుక్రవారం ప్రేక్షకుల ముందుకు రానుంది. ఈ సందర్భంగా తనకు వచ్చిన ప్రతి అవకాశాన్ని వర్మ సినిమా ప్రమోషన్ కోసం సద్వినియోగం చేసుకుంటున్నాడు.
‘చంద్రబాబు ఇంత’ అంటూ రెండు అసంపూర్తి పదాలతో పాటు కోపంగా, చిరాగ్గా ఉన్న ఎమోజీలను జోడించాడు. అలాగే మోహన్‌ బాబును ఉద్దేశించి మీరు ఇప్పటికైనా నిజాలు చెబుతున్నందుకు ఆనందంగా ఉంది సార్‌ అంటూ మరో ట్వీట్ చేసాడు.
ఈ రెండు ట్వీట్‌లను వర్మ చంద్రబాబునాయుడికి ట్యాగ్ చేస్తూ పోస్ట్ చేసాడు. ఇప్పుడు నాకు వెన్నుపోటుదారుల చెంప పగలగొట్టి, మోహన్‌బాబుకు చప్పట్లు కొట్టాలనిపిస్తోంది అంటూ మరో ట్వీట్ చేసాడు.
