సంచ‌ల‌న ద‌ర్శ‌కుడు రామ్ గోపాల్ వర్మ లక్ష్మీస్ ఎన్టీఆర్ టైటిల్‌తో ఓ సినిమా తెర‌కెక్కిస్తుండ‌టం తెలిసిందే. ఈ చిత్రం కోసం తాజాగా విడుదల చేసిన వెన్నుపోటు సాంగ్‌లో వర్మ, నేరుగా చంద్రబాబు నాయుడిని కించపరుస్తూ లిరిక్స్ ఉన్నాయి. దాంతో తెలుగు తమ్ముళ్లకు ఒక్కసారిగా వ‌ర్మపై ఆగ్రహాన్ని వ్యక్తం చేస్తున్నారు. అయితే... వారి ఆగ్రహానికి రామ్ గోపాల్ వర్మ అద‌ర‌డం లేదు..బెద‌ర‌డం లేదు. అంతే ధీటుగానే సమాధానం ఇస్తున్నాడు.
తాజాగా వర్మ ట్వీట్ చేస్తూ.. నేను చంద్రబాబు నాయుడిగారిని డైరెక్ట్‌గా ఒక్కమాట కూడా అనలేదు. అలాంటిది నా మీదే కేసులు పెడితే డైరెక్ట్‌గా దూషించిన ఈ క్రింది వీడియోలోని వ్యక్తి మీద ఎన్ని కేసులు పెట్టాలి? అని బాబు గురించి సీనియర్ ఎన్టీఆర్ మాట్లాడిన మాటల వీడియోను పోస్ట్ చేశారు. రోజురోజుకు ఈ వివాదం ముదురుతోంది. మరి... ఈ వివాదం ఎక్క‌డ‌కి వెళుతుందో..?
