ప్రస్తుతం తమిళ దర్శకుడు శంకర్ సినిమాలు రెండిటిపై అటు కమల్ హాసన్, ఇటు రామ్‌చరణ్‌ అభిమానుల్లో సందిగ్థత నెలకొంది. ఇప్పటికే వారు తమ సోషల్‌ మీడియాలో పలు పోస్ట్‌లు పెట్టారు. చరణ్‌కు సంబంధించిన ఓ పోర్టల్‌లో శంకర్ దుస్థితి పునరావృతం అవుతోందని బాధపడుతున్నారు. ఇండియన్‌2 సినిమా ప్రమోషన్‌ ఆడియో ఈవెంట్‌ ఏడాదికిందటే జరిగింది. మరలా దాని అప్‌డేట్‌ ఏమిటో తెలియలేదు. మధ్యలో శంకర్‌కూ, కమల్‌కు ఏవో విభేదాలున్నట్లు వచ్చాయి. ఆ తర్వాత కమిట్‌ అయిపోయారు అని చెప్పారు.
ఇక రామ్‌చరణ్‌ గేమ్ ఛేంజర్ విషయంలోనూ ఎందుకు ఆలస్యం అవుతుందనేది అర్థంకాకుండా పోయింది. నిర్మాత దిల్‌రాజు, దర్శకుడు శంకర్ మధ్య ఏవో చిన్నపాటి పొరపాచ్చాలున్నట్లు వార్తలు వచ్చాయి. కానీ దిల్‌రాజు ఓ సందర్భంగా అంతా బాగానే వుంది. శంకర్ కొంచెం బిజీ అయినట్లు వెల్లడించారు. ఇప్పుడు అభిమానులు చరణ్ సినిమాముందుగా విడుదల చేయండి అంటూ పలు ట్వీట్లు శంకర్ కు తెలియజేసినట్లు సమాచారం. భారతీయుడు2 (ఇండియన్‌2) సమకాలీన రాజకీయాలపై తీస్తున్న సినిమా. ఇక గేమ్ ఛేంజర్ కూడా దాదాపు అటువంటిదే. ఇందులో చరణ్ రెండు పాత్రలు పోషిస్తున్నాడు. అందులో ఒకటి నిజంగా గేమ్ చేజంర్‌లా వుంటుందని చిత్రయూనిట్‌ చెబుతోంది. త్యరలో లేటెస్ట్ న్యూస్ రానుంది.
