'కైకాల' నివాసంలో చిరంజీవి దంపతులు

తెలుగు చిత్ర పరిశ్రమకు చెందిన సీనియర్ నటుడు కైకాల సత్యనారాయణ ఇంటికి మెగాస్టార్ చిరంజీవి - సురేఖ దంపతులు ఆదివారం వెళ్లారు. కైకాల పుట్టిన రోజును పురస్కరించుకుని ఆయనుక శుభాకాంక్షలు తెలిపేందుకు వెళ్లారు. ఈ విషయాన్ని చిరంజీవి ట్విట్టర్ ద్వారా తెలియజేశారు.

'తెలుగు సినిమా ఆణిముత్యం, నవరస నటనా సార్వభౌముడు' అంటూ కొనియాడారు. కైకాల సత్యనారాయణ తనకు ఎంతో ఆప్తుడని వ్యాఖ్యానించారు. ఆదివారం సతీసమేతంగా ఆయన ఇంటికి వెళ్లి స్వయంగా పుట్టినరోజు శుభాకాంక్షలు తెలిపి, ఆయనతో కాసేపు ముచ్చటించడం ఓ మధురమైన అనుభూతి అని చిరంజీవి ట్వీట్‌లో పేర్కొన్నారు. 

తెలుగు సినిమా ఆణిముత్యం, నవరస నటనా సార్వభౌముడు, నాకు అత్యంత ఆప్తులు కైకాల సత్యనారాయణ గారి జన్మదినాన్ని పురస్కరించుకుని,ఈ రోజు నేను,నా సతీమణితో కలిసి ఆయన ఇంటికి వెళ్లి శుభాకాంక్షలు తెలియజేసి కాసేపు ఆయనతో ముచ్చటించడం ఓ మధురమైన అనుభూతి.Happy Birthday #KaikalaSatyanarayana garu! pic.twitter.com/NTm8RCf0LE

— Chiranjeevi Konidela (@KChiruTweets) July 25, 2021